ავსტრალიური ავიაკომპანია Qantas-ი ეკონომ კლასის მგზავრებს სთავაზობს, გვერდით თავისუფალი ადგილი შეიძინონ. დამატებითი ადგილის ღირებულება $20,28-დან $33,80-მდეა.
რეისამდე 48 საათით ადრე მგზავრები ელფოსტაზე მიიღებენ შეტყობინებას მეზობელი თავისუფალი ადგილის შეძენის შეთავაზებით. იმავდროულად, თუ თვითმფრინავი ივსება და ის კონკრეტული თავისუფალი ადგილი გაიყიდება კლიენტებს უბრუნდებათ შეძენილი თავისუფალი ბილეთის საფასური.
ახალი ვარიანტი „უფასო ადგილი მეზობლად“ ავიაკომპანიის ექვს შიდა რეისზე ექვსი კვირის განმავლობაში იმოქმედებს. საპილოტე პროგრამაში შემავალი ფრენების ხანგრძლივობა 90 წუთიდან ოთხ საათამდეა.
ავიაკომპანიაში აცხადებენ, რომ მიმართულებების სია წლის ბოლოს გაიზრდება.
ამ ინიციატივის დანერგვით, Qantas შეუერთდება სხვა ოპერატორებს, რომლებიც ანალოგიურ მომსახურებას უწევენ ეკონომ კლასის მომხმარებლებს. მაგალითად, Etihad-ის მგზავრებს შეუძლიათ მოითხოვონ სამი უფასო მიმდებარე ადგილი გამგზავრებამდე 72 საათით ადრე. Emirates ყიდის უფასო ადგილებს $55-დან.
Air New Zealand-ი მგზავრებს სთავაზობ ადგილების მრავალფეროვან ვარიანტს, მათ შორის Skycouch-ის განახლებას, რომელიც სავარძლების რიგს სავარძლად გარდაქმნის. გარდა ამისა, 2024 წელს გადამზიდავი გეგმავს “Economy Skynest”-ის წარდგენას, საძილე განყოფილება ექვსი დასაკეცი სავარძლით.
