ადგილობრივი ხელისუფლების განცხადებით, ფილიპინებს ახალი საერთაშორისო აეროპორტი ექნება. მშენებლობის ადგილი საკმაოდ შორს არის ქვეყნის დედაქალაქ მანილადან, მაგრამ მოგზაურებს მთელი მსოფლიოდან მისცემს პირდაპირ წვდომას სამხრეთ ფილიპინების კუნძულებზე.
ახალი ჰაბის აშენება იგეგმება მაგუინდანაო დელ ნორტეს პროვინციაში. ტერიტორიის შემოწმება უკვე ჩატარდა, წერს ადგილობრივი მედია.
”ეს ჩვენთვის დიდი ხნის ნანატრი მოვლენაა”, – თქვა მასურას სულთანატის მერმა ბონგ პანდამ. — პროექტი შექმნის მეტ სამუშაო ადგილს, რაც გააუმჯობესებს ჩვენს რეგიონში ცხოვრების დონეს. აეროპორტი მოიცავს ბევრ ინფრასტრუქტურულ ობიექტს, საწარმოს და დაწესებულებას.
ბანგსამოროს ავტონომიური რეგიონის მთავრობა (The government of the Bangsamoro Autonomous Region in Muslim Mindanao, BARMM) თავის მხრივ, აღნიშნავს, რომ შერჩეული ტერიტორია არის “ოპტიმალური მდებარეობა” ახალი კოტაბატოს აეროპორტისთვის.
