ნიდერლანდების სასამართლომ ბათილად სცნო ავიაკომპანია Ryanair-ის წესები, რომელიც მგზავრს პრეტენზიის გამოხატვას უზღუდავდა, – განაცხადეს კომპანია AirHelp-ში, რომელმაც სასამართლოში სარჩელი Ryanair-ის წინააღმდეგ შეიტანა.
მოქმედი წესის მიხედვით მგზავრს, რომელსაც ეკუთვნოდა კომპენსაცია რეისის დაგვიანების, გადაჯავშნის ან გაუქმებისას ЕС №261/2004 რეგულაციის მიხედვით პრეტენზიის შემთხვევაში პირველ რიგში ავიაკომპანიას უნდა მიმართოს.
მგზავრს უფლება იურისტისთვის მიმართვის უფლებას მას შემდეგ ეძლეოდა თუ ავიაკომპანიასთან პირდაპირი კომუნიკაცია შედეგს ვერ გამოიღებდა.
AirHelp-ში განმარტავენ, ადრე აღნიშნული დებულება მიზანშეუწონლად მიიჩნიეს ინგლისში, როდესაც Ryanair-ის მსგავსად ახალი ნორმები დააწესეს British Airways-მა და easyJet-მა.
“ავიაკომპანიების მოტივაცია ნათელია: ამ დებულებით, მგზავრებისთვის კომპენსაციის გადახდა რთულდება”, – განმარტავენ AirHelp-ში.
კომპანიაში, ასობით ათასი პრეტენზიის ანალიზზე დაყრდნობით, განმარტავენ, რომ სერვისის მიერ გადაგზავნილი პრეტენზიებიდან საშუალოდ, თითქმის ყოველი მეორე განაცხადი უარყოფილი იყო გაურკვეველი მიზეზებით.
AirHelp-ში easyJet-ის მაგალითი მოჰყავთ, რომელიც სერვისის ინფორმაციით, კომპენსაციას მხოლოდ 2%-ს უხდიდა და სხვა სამართლებრივი ღონისძიებები აღარ იყო გათვალისწინებული
ევროკომისიის რეგულაცია ЕС №261/2004 და ევროპული სასამართლოების პრაქტიკა მგზავრებს საშუალებას აძლევს, რომ რეისის 3 საათზე მეტი დროით დაგვიანების ან გადაჯავშნაზე უარის თქმის შემთხვევაში 250-დან 600 ევრომდე მოცულობის კომპენსაცია მიიღონ. კომპენსაციის მოცულობა კი ფრენის მანძილზეა დამოკიდებული.
2013 წელს ევროკომისია შეეცადა ЕС №261/2004 რეგულაცია შეეცვალა. რისი მიზეზიც გახდა ის, რომ ავიაგადამზიდავები მგზავრების საჩივრების მხოლოდ 2-4%-ს უკმაყოფილებდნენ.
