გარე ფაქტორები, როგორიცაა მობილური ტექნოლოგიები, სამუშაოს მოქნილი განრიგი, კლიმატი და ეკონომიკური პირობები მოგზაურებს უბიძგებს დაჯავშნონ და მეტი დახარჯონ ინდივიდუალურ მარშრუტებზე, – აღნიშნულია WeTravel-ის ანგარიშში.
ექსპერტები ამ დასკვნამდე მივიდნენ მას შემდეგ, რაც გააანალიზეს 600-ზე მეტი საერთაშორისო ტურისტული სააგენტოს პასუხი მთელი მსოფლიოდან და შეადარეს ისინი 2022 წლის კვლევის მონაცემებს.
2024 წელს გამოკითხულმა კომპანიებმა აღნიშნეს, რომ პანდემიის შემდგომი მოგზაურობისგან განსხვავებით, რომელიც მორგებულია მცირე ჯგუფებზე და კერძო ყოფნისთვის, მომხმარებლები ახლა ეძებენ ახალ გამოცდილებას – სურთ მეტი დახარჯონ ძვირადღირებულ სასტუმროებზე, კულინარიულ თავგადასავალსა და ველნეს არდადეგებზე, განსაკუთრებით ნაკლებად ცნობილ ადგილებში.
მომსახურების მაღალი ფასები არ აფერხებს მოგზაურობას. უფრო მეტიც, უმრავლესობა (70%) იხდის მოგზაურობის სრულ ღირებულებას შეკვეთისას – მნიშვნელოვანი ზრდა 181%-ით 2023 წელთან შედარებით.
გამოკითხვისას ბევრმა მონაწილემ აღნიშნა, რომ მოგზაურები 2024 წელს უფრო მეტს ხარჯავენ მოგზაურობაზე, ხოლო მესამედი აღნიშნავს ზრდას 10-25%-ით 2023 წელთან შედარებით.
ასევე, კომპანიების 59%-ი, რომლებიც პერსონალიზებულ მარშრუტებს სთავაზობენ, 2024 წელს ასეთი მოგზაურობის მოთხოვნის 56%-ით ზრდაზე საუბრობენ.
გასტრონომიული ტურიზმიც იზრდება, სააგენტოების 39% უკვე სთავაზობს ტურისტებს კულინარიულ გამოცდილებას.
46-60 წლის მოგზაურები რჩებიან ველნეს მოგზაურობის მთავარი თაყვანისმცემლები, ამ ჯგუფს შეადგენს ასეთი ჯავშნების 33%.
