IATA 2025 წლისთვის საჰაერო გადაზიდვების 6%-იანი ზრდის პროგნოზს ინარჩუნებს. საერთაშორისო საჰაერო ტრანსპორტის ასოციაციამ (IATA) დაადასტურა, რომ 2025 წლის ავიაგადაზიდვების ზრდის პროგნოზს 6%-ზე შეინარჩუნებს, მიუხედავად იმისა, რომ საზღვაო ტვირთების წითელ ზღვაში დაბრუნების ჰიპოთეტური შესაძლებლობა არსებობს. ამის შესახებ Air Cargo News-ს IATA-ააღმასრულებელმა დირექტორმა უილი უოლშმა განუცხადა, რომელმაც ხაზგასმით აღნიშნა, რომ ასეთი სცენარის ალბათობა კვლავ უკიდურესად დაბალია, მაგრამ მაშინაც კი, თუ ის განხორციელდება, ასოციაცია ვერ ხედავს მიზეზს, რომ გადახედოს თავის მოლოდინებს.
უოლშის თქმით, ავიაციის ინდუსტრიას შეუძლია საზღვაო მარშრუტების აღდგენის მართვა. მან აღნიშნა, რომ საჰაერო ტვირთების გადაზიდვა ემსახურება კონკრეტულ ბაზრებს, რომლებიც მგრძნობიარენი არიან ლოჯისტიკის დროისა და ღირებულების მიმართ და ეს მოთხოვნა სტაბილური დარჩება: „ის, რასაც ჩვენ, როგორც წესი, საჰაერო გზით გადავიტანთ, კრიტიკულია დროისა და ღირებულების თვალსაზრისით. და ეს საქონელი, როგორც წესი, საჰაერო გზით გადაიზიდება და არა ზღვით, ამიტომ საქონელი, რომელიც დროულად უნდა მიეწოდოს, ყოველთვის საჰაერო გზით გადაიზიდება“.
დეკემბრის დასაწყისში, IATA-მ გამოაქვეყნა პროგნოზი, რომლის მიხედვითაც საჰაერო ტვირთების მოცულობა, რომელიც იზომება ტვირთის ტონა-კილომეტრებში (CTK), მოსალოდნელია, რომ წლიურად 5.8%-ით გაიზრდებოდა და 2025 წელს 72.5 მილიონ ტონას მიაღწევდა. ზრდის ძირითადი მამოძრავებელი ფაქტორებია ელექტრონული კომერცია და მაღალი მოთხოვნა ისეთ მიმართულებებზე, როგორიცაა წითელი ზღვის რეგიონი.
