ევროპის საავიაციო უსაფრთხოების სააგენტომ (EASA) გადაწყვიტა შეაჩეროს Boeing 737 MAX 9 თვითმფრინავის ექსპლუატაცია, იუწყება Reuters.
Alaska Airlines-ის კუთვნილ Boeing 737 MAX 9 თვითმფრინავთან მომხდარი ინციდენტის შემდეგ, ევროკავშირმა მიიღო აშშ-ს ფედერალური საავიაციო ადმინისტრაციის (FAA) დირექტივა და შეაჩერა ამ ტიპის თვითმფრინავების გამოყენება. EASA-მ დაამატა, რომ MAX 9-ის ნებისმიერ ოპერატორს მოსთხოვს, დაიცვას FAA დირექტივა მის საჰაერო სივრცეში შესასვლელად.
როგორც სააგენტო აღნიშნავს, თურქულმა ავიაკომპანიამ Turkish Airlines-მა ასევე შეაჩერა თავისი ხუთი Boeing 737 MAX 9 თვითმფრინავის ექსპლუატაცია შემოწმებისთვის.
რატომ შეაჩერა Alaska Airlines-მა თავისი ყველა Boeing 737 MAX 9-ით ოპერირება?
