Greenpeace-ის მკვლევარებმა ევროპაში მატარებლითა და თვითმფრინავით მგზავრობის ღირებულება ერთმანეთს შეადარეს და მივიდნენ დასკვნამდე, რომ სახმელეთო მგზავრობა რამდენჯერმე ძვირი დაჯდება. მონაცემები გამოქვეყნებულია კომპანიის ახალ ანგარიშში.
Greenpeace-ის ექსპერტები მიიჩნევენ, რომ მოგზაურები მასიურად არ გადაერთვებიან თვითმფრინავებიდან მატარებლებზე, მიუხედავად იმისა, რომ საჰაერო მოგზაურობა მსოფლიოში ყველაზე არამდგრადი გზაა მოგზაურობისთვის. ეს იმიტომ ხდება, რომ მატარებლით მგზავრობა არა მხოლოდ უფრო მეტხანს გრძელდება, არამედ, როგორც ირკვევა, რამდენჯერმე უფრო ძვირიცაა.
ახალი კვლევის ავტორებმა მატარებლისა და თვითმფრინავის ბილეთების ღირებულება ევროპის 27 ქვეყანას შორის 112 მარშრუტზე შეადარეს. აღმოჩნდა, რომ 112 მარშრუტიდან 79-ზე ფრენა გაცილებით იაფი იყო. საშუალოდ, მატარებლით მგზავრობა ორჯერ მეტი ღირდა, ვიდრე თვითმფრინავით, მაგრამ ზოგიერთ მარშრუტზე ფასების სხვაობა გაცილებით მნიშვნელოვანი იყო (მაგალითად, მატარებლით მოგზაურობა ბარსელონადან ლონდონში ზოგიერთ თარიღში თითქმის 30-ჯერ მეტი ღირს, ვიდრე ფრენა).
მატარებლით მგზავრობა (თითქმის) ყოველთვის იაფი იყო გაანალიზებული 112 მარშრუტიდან 23-ზე. მაგრამ აღსანიშნავია, რომ ამ 23 მარშრუტიდან 16-ს არ ემსახურება დაბალბიუჯეტიანი ავიაკომპანიები (მაგალითად, ციურიხი-ვენა ან ბრიუსელი-ჰამბურგი).
ევროპული გარემოს სააგენტოს მონაცემებით, თვითმფრინავები საშუალოდ 4,84-ჯერ მეტ სათბურის გაზს გამოყოფენ, ვიდრე მატარებლები.
კვლევა სრულად შეგიძლიათ იხილოთ აქ.
