ფრანგულ-ნიდერლანდური ავიაკომპანია Air France-KLM აპირებს შვედური ავიაკომპანია SAS-ის აქციათა 19,9%-ი შეიძინოს. ამის შესახებ განცხადება Air France-KLM-ის პრესსამსახურმა გაავრცელა.
გადაწყვეტილება ფრანგულ-ნიდერლანდურ ჯგუფისთვის ფასიანი ქაღალდების შეძენის უფლების მინიჭებაზე შვედური კომპანიის დირექტორთა საბჭომ გადაწყვეტილება უკვე მიიღო. ამავდროულად, კომუნიკეს მიხედვით, საინვესტიციო წინადადება ჯერ კიდევ ექვემდებარება საბოლოო დამტკიცებას და შესაძლოა განიცადოს ცვლილებები სასამართლო და მარეგულირებელი ორგანოების, ასევე ევროკომისიის პოტენციური გადაწყვეტილებებიდან გამომდინარე.
“Air France-KLM აპირებს აქტიური როლი ითამაშოს ევროპული ავიაციის კონსოლიდაციაში. SAS-თან შემოთავაზებული თანამშრომლობა ჯგუფის სტრატეგიული საგზაო რუკის ერთ-ერთი კომპონენტია”, – ნათქვამია კომუნიკეში.
Air France-KLM-ის ინვესტიცია იქნება $144,5 მილიონი, საიდანაც $109,5 მილიონი იქნება ჩვეულებრივი აქციები და $35 მილიონი უზრუნველყოფილი კონვერტირებადი კუპიურები. ტრანზაქციის დასრულების შემდეგ, Air France-KLM-ის მფლობელობაში გადავა SAS-ის ფასიანი ქაღალდების მაქსიმუმ 19,9%-ი.
