ავიაკომპანია British Airways-ის Airbus A380 ტიპის საჰაერო ხომალდი, რომელიც იოჰანესბურგიდან ლონდონის ჰითროუს აეროპორტში მიფრინავდა, ბარსელონაში გადამისამართდა. აღნიშნული გადაწყვეტილება მას შემდეგ მიიღეს, რაც ხომალდის ეკიპაჟმა საგანგებო მდგომარეობისთვის განკუთვნილი გენერალური კოდი გამოიყენა.
ავიაკომპანიის წარმომადგენლებმა მოგვიანებით განაცხადეს, რომ განგაშის სიგნალის გაგზავნა ბორტზე შექმნილმა გადაუდებელმა სამედიცინო საჭიროებამ გამოიწვია. კერძოდ, British Airways-ის ინფორმაციით, ერთ-ერთ მგზავრს დაუყოვნებლივ დასჭირდა სამედიცინო დახმარება, რის გამოც თვითმფრინავი ბარსელონაში დაეშვა.
