რიზე-ართვის მშენებარე აეროპორტის გახსნა 2 წლით ადრე მოხდება. თურქეთის ტრანსპორტის მინისტრის ჯახიტ თურანის განმარტებით, ობიექტი 2022 წლის ნაცვლად 2020 წელს გაიხსნება.
“სამშენებლო სამუშაოები ძალიან სწრაფი ტემპით მიმდინარეობს და ინფრასტრუქტურული სამუშაოების 40%-ი უკვე დასრულებულია. ჩვენ სამშენებლო გეგმის ოპტიმიზაცია ისე განვახორციელეთ, რომ აეროპორტი ვადაზე ადრე გაიხსნება”, განაცხადა მინისტრმა.
რიზე-ართვის აეროპორტი 30 ათას კვ/მ-ზე იქნება გადაჭიმული, ხოლო ასაფრენ/დასაფრენი ზოლის სიგრძე კი 3 კმ. აეროპორტი წელიწადში 3 მლნ-მდე მგზავრის მიღებაზე იქნება ორიენტირებული.
რიზე-ართვინის აეროპორტის გახსნის შემდეგ ის თურქეთში მეორე აეროპორტი იქნება, რომელიც ღია ზღვაში გაიხსნება. პირველი აეროპორტში შავი ზღვის აკვატორიაში უკვე ფუნქციონირებს.
