საქართველოს სამოქალაქო ავიაციის სააგენტომ დაამტკიცა საქართველოს საავიაციო ბაზარზე მოქმედი ავიაკომპანიების 2023 წლის ზაფხულის სანავიგაციო სეზონის საჰაერო მიმოსვლის განრიგი. სააგენტოში ამ ეტაპისთვის წარმოდგენილი ფრენის განაცხადების მიხედვით, მიმდინარე წლის 28 ოქტომბრის ჩათვლით, საქართველოს საერთაშორისო აეროპორტებში რეგულარული სამგზავრო რეისების შესრულება იგეგმება 43 ავიაკომპანიის მიერ, 31 ქვეყნის 88 მიმართულებით. არსებული მონაცემებით, ფრენები კვირაში საშუალოდ 555 სიხშირით განხორციელდება, რაც 2019 წლის ზაფხულის სეზონისთვის გაცემული სიხშირეების რაოდენობას 3%-ით აღემატება.
მიმდინარე ზაფხულის სანავიგაციო სეზონზე, ფრენების შესრულება 44 ევროპული მიმართულებით იგეგმება, რაც ყოველდღიურად დაახლოებით 17, ხოლო კვირაში 126 სიხშირეს უტოლდება. მნიშვნელოვანია ასევე გალფის ქვეყნების (საუდის არაბეთი, ბაჰრეინი, არაბთა გაერთიანებული საემიროები, ქუვეითი, ომანი და კატარი) მიმართულებების წილი (16 მიმართულება, საშუალოდ 20 სიხშირე ყოველდღიურად და 138 სიხშირე კვირაში). ამასთან, სააგენტო აგრძელებს ავიაკომპანიების განაცხადების მიღებას დამატებითი რეგულარული და სეზონური მრავალჯერადი ჩარტერული რეისების შესასრულებლად.
2023 წლის პირველ კვარტალში, საქართველოს აეროპორტებში ჯამში 4 839 რეისი განხორციელდა. 2022 წლის ანალოგიურ პერიოდში განხორციელებული ფრენების რაოდენობასთან შედარებით, რეისების რაოდენობა 22%-ით გაიზარდა, ხოლო 2019 წლის ანალოგიურ პერიოდთან მიმართებაში, აღდგენის მაჩვენებელი 93%-ს შეადგენს.
ზაფხულის სანავიგაციო სეზონის რეგულარული საჰაერო მიმოსვლის განრიგები იხილეთ შემდეგ ბმულზე: https://gcaa.ge/flight-schedules/
მიმდინარე ზაფხულის სანავიგაციო სეზონზე, ფრენების შესრულება 44 ევროპული მიმართულებით იგეგმება, რაც ყოველდღიურად დაახლოებით 17, ხოლო კვირაში 126 სიხშირეს უტოლდება. მნიშვნელოვანია ასევე გალფის ქვეყნების (საუდის არაბეთი, ბაჰრეინი, არაბთა გაერთიანებული საემიროები, ქუვეითი, ომანი და კატარი) მიმართულებების წილი (16 მიმართულება, საშუალოდ 20 სიხშირე ყოველდღიურად და 138 სიხშირე კვირაში). ამასთან, სააგენტო აგრძელებს ავიაკომპანიების განაცხადების მიღებას დამატებითი რეგულარული და სეზონური მრავალჯერადი ჩარტერული რეისების შესასრულებლად.
2023 წლის პირველ კვარტალში, საქართველოს აეროპორტებში ჯამში 4 839 რეისი განხორციელდა. 2022 წლის ანალოგიურ პერიოდში განხორციელებული ფრენების რაოდენობასთან შედარებით, რეისების რაოდენობა 22%-ით გაიზარდა, ხოლო 2019 წლის ანალოგიურ პერიოდთან მიმართებაში, აღდგენის მაჩვენებელი 93%-ს შეადგენს.
ზაფხულის სანავიგაციო სეზონის რეგულარული საჰაერო მიმოსვლის განრიგები იხილეთ შემდეგ ბმულზე: https://gcaa.ge/flight-schedules/
