თურქეთის ეროვნული გადამზიდავი Turkish Airlines (THY) გახდა მსოფლიოში უმსხვილესი ავიაკომპანია საერთაშორისო ფრენებზე შემოთავაზებული ადგილების რაოდენობის მიხედვით. ამის შესახებ THY-ის პრესსამსახურმა იტყობინება.
„ჩვენი კომპანია შეუფერხებლად მუშაობდა პანდემიით გამოწვეული კრიზისის დროსაც კი. მოხარული ვართ, რომ პოსტკრიზისულ პერიოდშიც ვაღწევთ ახალ წარმატებებს. ჩვენი მიზანი იყო 2019 წლის მაჩვენებლის მოკლე დროში გასვლა. ჩვენ მოვახერხეთ ამის 65 ათასი თანამშრომლით მიღწევა. აგვისტოს მდგომარეობით, ჩვენ გავხდით მსოფლიოში უმსხვილესი ავიაკომპანია საერთაშორისო ფრენებზე შემოთავაზებული ადგილების x რაოდენობით. ჩვენი ოჯახის თითოეულმა წევრმა თავისი წვლილი შეიტანა ამ წარმატებაში“, – განაცხადა Turkish Airlines-ის გამგეობისა და აღმასრულებელი კომიტეტის თავმჯდომარემ აჰმედ ბოლატმა.
მიმდინარე წლის ივლის-აგვისტოში THY-მა საკუთარი რეკორდი დაამყარა. აღნიშნულ პერიოდში ავიაკომპანიის ფრენებზე თვითმფრინავების დატვირთულობა 14 პროცენტით გაიზარდა.
ავიაკომპანიის პრესსამსახურმა აღნიშნა, რომ თურქული ავიაციის ფლაგმანი მნიშვნელოვან პროგრესს აღწევს, მიუხედავად პანდემიის მძიმე შედეგებისა, ინდუსტრიისთვის მთელ მსოფლიოში.
2022 წლის ივლისსა და აგვისტოში ავიაკომპანიამ 7,8 მილიონი მგზავრი გადაიყვანა. ამრიგად, Turkish Airlines-მა გადააჭარბა პანდემიამდელი რეკორდს თვეში მგზავრების რაოდენობით.
