ტანზანიის პრეზიდენტმა სამია სულუჰუ ჰასანმა დოდომაში მსალატოს საერთაშორისო აეროპორტის მშენებლობას საფუძველი ჩაუყარა, იუწყება Tanzanian Daily News. საჰაერო ნავსადგური რესპუბლიკის დედაქალაქის ცენტრალური ბიზნეს უბნიდან 12 კილომეტრში განთავსდება.
”ეს პროექტი იქნება კატალიზატორი ქვეყნის ეკონომიკისთვის, ის უზრუნველყოფს დასაქმების შესაძლებლობებს დოდომაში მცხოვრები ტანზანიელებისთვის,” – თქვა სულუჰუმ.
სახელმწიფოს მეთაურმა განაცხადა, რომ 2025 წლის დეკემბერში დასრულდება პროექტის პირველი ეტაპი – მსალატოს საჰაერო ნავსადგური შეძლებს დიდი თვითმფრინავების (მაგალითად, Boeing 747) მიღებას 350-მდე მგზავრის ტევადობით. საწყის ეტაპზე აეროპორტის მშენებლობაზე მთავრობა დაახლოებით 272 მილიონ დოლარს დახარჯავს.
დაწესებულების ჯამური ღირებულება 329,47 მლნ აშშ დოლარად არის შეფასებული. პროექტს აფინანსებენ აფრიკის განვითარების ბანკი (67,3%), African Growing Together Foundation (15,2%) და ტანზანიის მთავრობა (17,5%).
აეროპორტის ინფრასტრუქტურამ უნდა უზრუნველყოს მაღალი სიმძლავრე, რათა დააკმაყოფილოს საჰაერო მიმოსვლის მოსალოდნელი ზრდა. ეს გამოწვეულია ქალაქ დოდომას, როგორც ტანზანიის ადმინისტრაციული დედაქალაქის ახალი როლით.
მოსალოდნელია, რომ 200 მილიონზე მეტი აღმოსავლეთ აფრიკელი, საერთაშორისო სავაჭრო ქსელი, საქმიანი მოგზაური და ტურისტი შეძლებს აეროპორტის შესაძლებლობების გამოყენებას.
