2022 წლის იანვარ-აგვისტოში სტამბოლის აეროპორტებში მგზავრთა რაოდენობამ 60 მილიონ 855 ათას 818 ადამიანი შეადგინა, რაც წინა წლის ანალოგიურ პერიოდთან შედარებით 25 მილიონ 5 ათას 82-ით მეტია.
ბოლო ორი წლის განმავლობაში, კოროვირუსული პანდემიის ფონზე, საგრძნობლად შემცირდა მგზავრთა რაოდენობა მთელს მსოფლიოში, მათ შორის თურქეთში. ამის მიუხედავად, წლის დასაწყისიდან მაჩვენებლები კვლავ ზრდას აჩვენებს.
მთავრობის მიერ გატარებული ზომების მიხედვით, სამოქალაქო ავიაციის სექტორმა შეძლო პანდემიური კრიზისის დაძლევა მინიმალური ზიანით. ბოლო რვა თვის განმავლობაში თურქეთის აეროპორტებში მგზავრთა რაოდენობა კვლავ გაიზარდა.
გაიზარდა აეროპორტ „სტამბოლისა“ და საბიჰა გიოქჩენის აეროპორტის მგზავრთნაკადი. უფრო მეტიც, ტურისტული სეზონის დაწყებასთან ერთად გაიზარდა მგზავრთნაკადი როგორც შიდა, ისე საერთაშორისო ფრენებზე.
თურქეთის სახელმწიფო აეროპორტების გენერალური დირექტორატის (DHMI) მონაცემებით, იანვარ-აგვისტოში სტამბულის აეროპორტში მგზავრთა გადაადგილებამ 41 მილიონ 143 ათას 862 მგზავრი შეადგინა. მათ შორის 10 მილიონ 657 ათას 810 შიდა რეისების მგზავრია, ხოლო 30 მილიონ 486 ათას 52 საერთაშორისო რეისების მგზავრი.
გასული წლის ანალოგიურ პერიოდთან შედარებით, მგზავრთნაკადი შიდა ფრენებზე 68 პროცენტით, ხოლო საერთაშორისო ფრენებზე 109 პროცენტით გაიზარდა.
2021 წლის იანვარ-აგვისტოში სტამბულის აეროპორტში მგზავრთა რაოდენობამ 20 მილიონ 943 ათას 199 მგზავრი შეადგინა. ამრიგად, 2022 წელს მგზავრთა რაოდენობა გასულ წელთან შედარებით 20 მილიონ 200 ათას 663-ით, ანუ 96 პროცენტით გაიზარდა.
