უკრაინულმა ავიაკომპანია SkyUp Airlines-მა ევროპული ქალაქებიდან აფრიკის კუნძულ ზანზიბარის მიმართულებით ტრანსკონტინენტური ფრენები დაიწყო.
SkyUp Airlines-მა ჩარტერული ფრენების პროგრამა 28 ოქტომბერს დაიწყო პარტნიორი ტუროპერატორების Join UP! Polska-ს, Join UP! Moldova-სა და Join UP! Romania-ს ტურისტებისთვის.
ავიაკომპანია ამჟამად დაფრინავს ზანზიბარში ბუქარესტიდან, კიშინიოვიდან და ვარშავიდან. დეკემბრის შუა რიცხვებიდან SkyUp Airlines გაზრდის ფრენების სიხშირეს ვარშავა-ზანზიბარის მარშრუტზე და განახორციელებს ახალ ფრენას კატოვიცე-ზანზიბარის მიმართულებით.
ფრენების პროგრამა ზანზიბარის მიმართულებით დაგეგმილია 2024 წლის 12 აპრილამდე, – აცხადებენ ავიაკომპანიაში.
ავიაკომპანიამ განმარტა, რომ ყველა ფრენის ოპერატორი არის მალტის განყოფილება SkyUp MT, გარდა კიშინიოვი-ზანზიბარის მარშრუტისა, რომელსაც უკრაინული SkyUp Airlines ემსახურება.
SkyUp-ი ზანზიბარში Boeing 737-800-ით დაფრინავს. ვინაიდან ამ ხომალდის დიაპაზონი არ არის საკმარისი პირდაპირი ფრენების განხორციელებისთვის ევროპული ქალაქებიდან ზანზიბარისკენ და ამიტომ ავიაკომპანია შუალედურ დაშვებას და საწვავის შევსებას ეგვიპტის ქალაქ ჰურგადას აეროპორტში ახდენს.
