მსოფლიოში უდიდესმა სატვირთო თვითმფრინავმა An-225 Mriya-მ, განადგურებამდე 2,5 წლით ადრე მაღალი ეკონომიკური ეფექტურობა აჩვენა და ამიტომ ღირს მისი აღდგენა, – განაცხადა Mriya-ს ეკიპაჟის მეთაურმა დიმიტრი ანტონოვმა.
პილოტის თქმით, თვითმფრინავის ფრენის საერთო დრო 33 წლის მანძილზე იყო 5000 საათი, იმავდროულად მხოლოდ 2020 წლიდან 2022 წლამდე An-225-მა 890 საათი იფრინა.
„ეს ძალიან კარგი მაჩვენებელია. სამყაროს სწორედ ამ წლებში სჭირდებოდა ეს თვითმფრინავი. მე მჯერა, რომ თვითმფრინავი მომავალ ექსპლუატაციაში ეკონომიკურად მომგებიანი იქნება. თვითმფრინავი კი არა მხოლოდ უკრაინის, არამედ უკრაინის ამ ტიპის თვითმფრინავების ოპერირების შესაძლებლობის სიმბოლოა“, – განაცხადა ანტონოვმა.
პილოტმა აღნიშნა, რომ მეორე Mriya-ს მშენებლობისთვის არის ფიუზელაჟი და ფრთა და რჩება მხოლოდ აღჭურვილობის დამზადება – ფრენის მართვის ახალი სისტემა, საწვავი და ჰიდრავლიკური სისტემები.
ანტონოვმა განმარტა, რომ ახალი აღჭურვილობა იქნება თანამედროვე და ის ასევე შეიძლება დამონტაჟდეს An-124 Ruslan თვითმფრინავზე, რომელსაც უკრაინაც იყენებს.
დაპირისპირება An-225-ის აღდგენასთან დაკავშირებით
An-225-ის აღდგენის აუცილებლობის შესახებ დავები საავიაციო საზოგადოებაში თვეების განმავლობაში მიმდინარეობდა.
ერთ-ერთი მიზეზი არის პროექტის მაღალი ღირებულება და კითხვები მისი სამომავლო ეკონომიკური მიზანშეწონილობის შესახებ. თუ სახელმწიფო საწარმო Antonov-მა ახალი Mriya-ს აგების ღირებულებად 500 მილიონ დოლარად განსაზღვრა, სახელმწიფო კონცერნმა „უკრობორონპრომმა“ ეს მაჩვენებელი 3 მილიარდ დოლარად შეაფასა.
უკრაინის ხელისუფლებამ განაცხადა, რომ აპირებს აღადგინოს An-225 Mriya თვითმფრინავი, როგორც ქვეყნის ერთ-ერთი სიმბოლო. საავიაციო გიგანტი განადგურდა 2022 წლის თებერვალში გოსტომელში, უკრაინაში რუსეთის შეჭრის დროს.
