სამხრეთ-დასავლეთ ეთიოპიაში, ქალაქ ჯინკაში ახალი აეროპორტი გაიხსნა, რომლის ფართობი დაახლოებით 3500 კვადრატული მეტრია. ახალი სატრანსპორტო კვანძი თანამედროვე ინფრასტრუქტურით უფრო ხელმისაწვდომს გახდის მგზავრთა გადაყვანას და ხელს შეუწყობს რეგიონში ტურისტული ნაკადის გაზრდას.
გასული წლის მარტში გამოცხადდა ხუთი ახალი შიდა აეროპორტის მშენებლობა ისეთ ადგილებში, როგორიცაა მიზან ტეფარი, ნეგელე ბორენა, იაბელო და მატუ (ორომიის რეგიონი), დებრ მარკოსი (ამჰარას რეგიონი). ობიექტები ექსპლუატაციაში ერთი წლის განმავლობაში შევა.
რაც შეეხება აქსუმსა და კაბრი დეჰარში არსებულ ობიექტებს, ახალი აეროპორტის მფლობელი კომპანიის წარმომადგენელმა განმარტა, რომ ისინი კვლავ რეკონსტრუქციის პროცესშია და მალე გაიხსნება.
