2024 წლის იანვარ-ოქტომბერში საქართველოში საჰაერო სატვირთო გადაზიდვების ლიდერი კვლავ თურქული სატვირთო ავიაკომპანია Turkish Cargo-ა.
AviaNews-ის მიერ ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოდან გამოთხოვილი ინფორმაციის მიხედვით ირკვევა, რომ 10 თვის განმავლობაში Turkish Cargo-მ თბილისის საერთაშორისო აეროპორტის გავლით 3 980,970 ტონა ტვირთი გადაზიდა.
საჰაერო ტვირთების ტრანსპორტირების კუთხით საქართველოს ავიაბაზარზე მეორე პოზიციაზეა ქართული სატვირთო ავიაგადამზიდავი Georgian Airlines-ი. იანვარ-ოქტომბერში ავიაკომპანია საქართველოს საჰაერო სატვირთო ტვირთების ბაზარზე 3 500,763 ტონა ტვირთს მოემსახურა.
ასევე, საქართველოში საჰაერო სატვირთო გადაზიდვების ლიდერი კომპანიაა და TOP-5-ში მესამე პოზიციაზეა, ქართული სატვირთო კომპანია Geo Sky, რომელმაც თბილისის საერთაშორისო აეროპორტის გავლით იანვარ-ოქტომბერში განმავლობაში 1 054,877 ტონა ტვირთი გაატარა.
10 თვის სტატისტიკური მაჩვენებლებით თბილისის საერთაშორისო აეროპორტის მეშვეობით გატარებული ტვირთნაკადით მეოთხე პოზიციაზეა თურქული სატვირთო ავიაგადამზიდავი MNG Airlines-ი, რომელმაც საანგარიშო პერიოდში თბილისის საერთაშორისო აეროპორტის გავლით 940,561 ტონა ტვირთი გადაზიდა.
რეიტინგში მეხუთე ადგილზეა ლუქსემბურგის სატვირთო ავიაგადამზიდავი Cargolux Airlines-ი, რომელიც 2024 წლის იანვარ-ოქტომბერში საქართველოს სატვირთო გადაზიდვებს ბაზარზე 671,213 ტონა ტვირთს მოემსახურა.
მაშ ასე, გადაზიდული ტვირთების მიხედვით TOP-5 სატვირთო ავიაკომპანიის რეიტინგი ასე გამოიყურება:
Turkish Cargo;
Georgian Airlines;
Geo Sky;
MNG Airlines;
Cargolux Airlines;
2024 წლის იანვარ-ოქტომბერი გადაზიდული ტვირთის რაოდენობა შეადგენს 19 902 153 ტონას. წინა წლის ანალოგიურ პერიოდთან შედარებით ტვირთბრუნვა გაზრდილია 24%-ით.
