არსებული ინფორმაციით, საერთაშორისო ავიაკომპანიების ნაწილმა, ახლო აღმოსავლეთში განვითარებული მოვლენების გამო, ირანის ნაცვლად, საქართველოს საჰაერო სივრცის გამოყენება დაიწყო.
„დერეფანი აზერბაიჯანისა და თურქმენეთის გავლით გაცილებით უფრო დატვირთულია 9 იანვრის დილის საათებში, რადგან ბევრი ავიაკომპანია აღარ იყენებს ერაყისა და ირანის საჰაერო სივრცეს“, – წერია პორტალ Flightradar24-ის მიერ გავრცელებულ ინფორმაციაში.
რუკაზე ჩანს, რომ თვითმფრინავები ევროპული მიმართულებით ფრენისას აქტიურად იყენებენ საქართველოს საჰაერო სივრცესაც.
ახლო აღმოსავლეთში მოვლენების ესკალაციის გამო, ერაყისა და ირანის საჰაერო სივრცის გამოყენებაზე დროებით უარი თქვეს მსხვილმა საერთაშორისო ავიაკომპანიებმა, მათ შორის არიან Lufthansa, Air France, Singapore Airlines და Qantas Airways.
ამასთან, გუშინ თეირანთან „უკრაინის საერთაშორისო ავიახაზების“ თვითმფრინავმა ავიაკატასტროფა განიცადა, რასაც 176 ადამიანის სიცოცხლე ემსხვერპლა. მომხდარის ზუსტი მიზეზები ამ დროისთვის უცნობია. ასევე, უკრაინის სახელმწიფო საავიაციო სამსახურმა უკრაინულ ავიაკომპანიებს ერაყისა და ირანის საჰაერო სივრცეში ფრენა აუკრძალა. აკრძალვა 2020 წლის 9 იანვრიდან შედის ძალაში და უკრაინაში რეგისტრირებულ ყველა კომპანიაზე ვრცელდება, რომელიც საჰაერო ხომალდების ექსპლუატაციას ახორციელებს.
A much busier northern corridor through Azerbaijan and Turkmenistan in the early hours of 9 January as many airlines reroute around Iraq and Iran.
Track live flights in the area and see relevant notices at https://www.flightradar24.com/blog/updates-on-the-commercial-aviation-situation-in-iraq-and-iran/ …
44604:47 – 9 Jan 2020Twitter Ads information and privacy170 people are talking about this
წყარო: 1TV
