თუ ონლაინ სარადარო რუკა Flightradar24-ს გადავხედავთ შევამჩნევთ 4 ცარიელ ტერიტორიას – ადგილებს, სადაც სამოქალაქო თვითმფრინავები არ დაფრინავენ. ერთი ასეთი ადგილი ევროპაშია, ორი აზიაში და ერთი აფრიკაში.
ევროპაში სამოქალაქო თვითმფრინავები უკრაინისა და რუსეთის ნაწილზე არ დაფრინავენ. ეს გამოწვეულია უკრაინაში რუსეთის შეჭრით, რომელიც დაიწყო 2022 წლის 24 თებერვალს.
თუმცა, ამ დრომდეც კი, უკრაინის თავზე საჰაერო მიმოსვლა მნიშვნელოვნად ნაკლები იყო 2013 წელთან შედარებით. დონეცკისა და ლუგანსკის რეგიონები მთლიანად დაიხურა სამოქალაქო ფრენებისთვის მას შემდეგ, რაც 2014 წელს Malaysia Airlines-ის Boeing 777 დონეცკის რეგიონის საჰაერო სივრციდან ჩამოაგდეს.
რუსეთის შეჭრამ უკრაინაში შექმნა მეორე შავი ხვრელი რუკაზე, აღმოსავლეთ რუსეთში. აქ იშვიათად დასახლებული ადგილებია და ამ რეგიონში ძირითად მოძრაობას უცხოური ავიახაზების სატრანზიტო ფრენები უზრუნველყოფდა.
რუსეთისა და დასავლეთის ურთიერთ სანქციებმა განაპირობა ის, რომ უცხოური ავიაკომპანიები ახლა ციმბირის გარშემო დაფრინავენ ჩრდილოეთ პოლუსის ან ცენტრალური აზიის გავლით.
გეოგრაფიული მიზეზების გამო თვითმფრინავები აზიაში ტიბეტის თავზე არ დაფრინავენ. როგორც Flightradar24 აღნიშნავს, სალონის ჰერმეტულობის დარღვევის შემთხვევაში, თვითმფრინავი უნდა დაეშვას 10000 ფუტის (3000 მეტრზე) ნაკლებ სიმაღლეზე. ამ სიმაღლეზე თვითმფრინავში მყოფ ადამიანებს ჟანგბადის ნიღბების გარეშე სუნთქვა შეეძლებათ.
ტიბეტის პრობლემა ის არის, რომ მნიშვნელოვანი ტერიტორია მდებარეობს 10000 ფუტზე მეტ სიმაღლეზე, რაც იმას ნიშნავს, რომ საჭიროების შემთხვევაში, თვითმფრინავები ვერ შეძლებენ სასურველ სიმაღლეზე დაშვებას და ამის გამო ისინი იძულებულნი არიან იფრინონ ამ მთების გარშემო.
აფრიკაში თვითმფრინავები სუდანის ტერიტორიის მიღმა დაფრინავენ. 2023 წლის აპრილში აქ დაიწყო დაპირისპირება სპეცრაზმსა და ადგილობრივ არმიას შორის. შედეგად აეროპორტში დაიწვა რამდენიმე სამგზავრო თვითმფრინავი. ასევე ავიაკომპანიებმა დაიწყეს ფრენა კონფლიქტის ზონის გარშემო.
