ქართული ავიაკომპანიები Georgian Airways-ი და Myway Airlines-ი პუნქტუალური ავიაკომპანიების TOP-10-შია.
უკრაინის ინფრასტრუქტურის მინისტრის ვოლოდიმირ ომელიანის მიერ Facebook-ის გვერდზე გამოქვეყნებული ინფორმაციის მიხედვით, Georgian Airways-მა ივლისში უკრაინის აეროპორტებში განხორციელებული რეისების 90.9%-ი გაწერილი განრიგის სრული დაცვით განახორციელა და ამ მაჩვენებლით რეიტინგის მეოთხე ადგილზეა.
რაც შეეხება ავიაბაზრის ახალ მოთამაშეს Myway Airlines-ს, მან სრული სიზუსტით რეისების 87.5%-ი განახორციელა და ამ ფონზე ივლისის რეიტინგში მეექვსე პოზიციაზეა.
უკრაინის აეროპორტებში ივლისის განმავლობაში 2331 საერთაშორისო რეისი განხორციელებული, რომლის 68.1%-ი ავიაკომპანიებმა დროულად განახორციელეს.
პუნქტუალური ავიაკომპანიების რეიტინგში, უკრაინის აეროპორტებში შესრულებული რეისების მიხედვით, პირველ ადგილზეა Alitalia, რომელმაც რეისების 96.8%-ი გაწერილი განრიგის მიხედვით განახორციელა.
ყველაზე პუნქტუალური ავიაკომპანიების რეიტინგში მეორე ადგილზეა Belavia, რომელმაც ივლისში უკრაინის აეროპორტებში განხორციელებული რეისების 92.8%-ი დროულად განახორციელა. რეიტინგში მესამე ადგილზე არაბული ავიაკომპანია Qatar Airways-ი, რომელის მიერ ივლისში განხორციელებული რეისების 91.8%-ი განრიგის მიხედვით შესრულდა.
