ნეპალის დედაქალაქის, კატმანდუს ტრიბჰუვანის საერთაშორისო აეროპორტში სტამბოლიდან მიმავალ Turkish Airlines-ის სამგზავრო თვითმფრინავს დაშვებისას ცეცხლი გაუჩნდა. გავრცელებული ინფორმაციით, ინციდენტის მიზეზი შასის ერთ-ერთი ბორბლის აალება გახდა. სოციალურ ქსელებში გავრცელებულ კადრებში ნათლად ჩანს ასაფრენ-დასაჯდომ ბილიკზე მოძრავი ხომალდი, რომლის სავალი ნაწილიდანაც კვამლი და ალყა ამოდის.
თვითმფრინავის ბორტზე, სხვადასხვა მონაცემებით, 284-დან 289 ადამიანამდე იმყოფებოდა, მათ შორის ეკიპაჟის 11 წევრი. აეროპორტის ადმინისტრაციის განცხადებით, საგანგებო სიტუაციის დროს მოხერხდა ყველა მგზავრის დროული ევაკუაცია ავარიული გასასვლელების მეშვეობით. მომხდარის შედეგად არავინ დაშავებულა. ამ ეტაპზე ინციდენტთან დაკავშირებით დაწყებულია ოფიციალური გამოძიება, რომელიც ხანძრის გამომწვევ ზუსტ მიზეზებს დაადგენს.
