ქართულმა ავიაკომპანია „Myway Airlines“-მა ბათუმი-თეირანი-ბათუმის მიმართულებით რეგულარული რეისების განხორციელება დაიწყო. ბათუმი-თეირანის პირველი რეგულარული რეისი დღეს უკვე განხორციელდა.
ბათუმი-თეირანი-ბათუმის მიმართულებაზე Myway Airlines-ი რეისებს ყოველ პარასკევს განახორციელებს. უკვე დამტკიცებული განრიგის
მიხედვით, ავიაკომპანია აღნიშნულ მარშრუტზე ოპერირებას 26 ოქტომბრამდე განახორციელებს.
ფრენები Boeing B737-800-ის ტიპის საჰაერო ხომალდებით განხორციელდება.
საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ ავიაკომპანია „Myway Airlines“-ს რეგულარული საჰაერო მიმოსვლის ნებართვა 8 ივნისს მიენიჭა.
„Myway Airlines“-ზე საჰაერო ხომალდის ექსპლუატანტის სერტიფიკატი სააგენტომ მიმდინარე წლის 23 იანვარს, ხოლო გადაყვანა-გადაზიდვის მოწმობა 23 თებერვალს გასცა. ამ ეტაპზე “Myway Way Airlines”-ის საკუთრებაში 2007 წელს გამოშვებული ორი ერთეული Boeing B 737-8AL იმყოფება. ავიაკომპანიის ბაზირების ადგილია საქართველო და იგი ქართული საფრენოსნო და ტექნიკური პერსონალით არის დაკომპლექტებული.
