მაროკოს მთავრობა გეგმავს 2026 წლამდე 6,1 მილიარდი დირჰემი (580 მილიონი აშშ დოლარი) გამოყოს ტურისტული სექტორის განვითარებისთვის, რათა ქვეყანაში მეტი ვიზიტორი მიიზიდოს და ვალუტის გამყარება უზრუნველყოს.
პრემიერის აპარატის ინფორმაციით, თანხა მოხმარდება მარკეტინგს, ტურისტებისთვის გართობის შეთავაზების გაფართოებას, სასტუმროების მოდერნიზებასა და ახალი ობიექტების მშენებლობას, ასევე მოგზაურობის სპეციალისტების მომზადებას. მთავრობა მომდევნო ოთხი წლის განმავლობაში 200 000 ახალი სამუშაო ადგილის შექმნას შეუწყობს ხელს.
ის ასევე ელოდება, რომ 2026 წლისთვის ქვეყანას 17,5 მილიონი მოგზაური ეწვევა, რაც გასულ წელს 11 მილიონი იყო. 2019 წლის პანდემიამდე პერიოდში მაროკოს 13 მილიონი ადამიანი სტუმრობდა.
2022 წლის ბოლოს 2021 წელთან შედარებით სექტორის მოგება გაორმაგდა და 91 მილიარდი დირჰემი შეადგინა, რითაც 2019 წლის დონეს გადააჭარბა.
