ავიაკომპანია Lufthansa-მ ევროპულ სასამართლოში დამარცხებით დაასრულა სამართლებრივი დავა, რომელიც პანდემიის პერიოდში მიღებულ 6 მილიარდი ევროს ოდენობის სახელმწიფო დახმარებას ეხებოდა. 2026 წლის 23 აპრილს გამოტანილი გადაწყვეტილებით, სასამართლომ დაადასტურა, რომ ევროკომისიამ დაარღვია წესები აღნიშნული ფინანსური ინექციის დამტკიცებისას.
დავა მას შემდეგ დაიწყო, რაც ირლანდიურმა დაბალბიუჯეტიანმა გადამზიდავმა Ryanair-მა და გერმანულმა კომპანია Condor-მა სარჩელი შეიტანეს და სახელმწიფო დახმარების წესების დარღვევის გამო გადაწყვეტილების გაუქმება მოითხოვეს. ევროპულმა სასამართლომ არ დააკმაყოფილა Lufthansa-ს აპელაცია და ძალაში დატოვა პირველი ინსტანციის გადაწყვეტილება, რომლითაც ევროკომისიის მიერ დამტკიცებული რეკაპიტალიზაციის პროცესი გაუქმდა. აღსანიშნავია, რომ Lufthansa-ს, რომელიც ასევე ფლობს ავიაკომპანიებს Eurowings, Austrian, Swiss და Brussels Airlines, აღნიშნული თანხები სახელმწიფო ბიუჯეტში უკვე დაბრუნებული აქვს.
