ლონდონის გატვიკის აეროპორტში ავიაკომპანია British Airways-ის Airbus A320-მა საგანგებო დაშვება განახორციელა. მიზეზად კი თვითმფრინავის ტექნიკური გაუმართაობა სახელდება.
როგორც The Telegraph წერს, Airbus A320-ი, რომელსაც ნეაპოლიდან ლონდონის გატვიკის აეროპორტის მიმართულებით ასრულებდა რეისს, აეროპორტში საგანგებოდ დაეშვა. თუმცაღა თვითმფრინავმა, ტექნიკური გაუმართაობის გამო დაჯდომა არასწორად განახორციელა. შედეგად თვითმფრინავი ასაფრენ/დასაფრენ ზოლზე გაჩერდა. სადაც ბორტის შესწავლა უკვე დაწყებულია. ამ დროისათვის აეროპორტის ასაფრენ/დასაფრენი ბილიკი დაკეტილია და ვერ ფუნქციონირებს.
„ტექნიკური გაუმართაობის დაფიქსირების შემდეგ ჩვენმა პილოტებმა პრიორიტეტული დაჯდომა ითხოვეს. თვითმფრინავი აეროპორტში წარმატებით დაეშვა“, აცხადებენ British Airways-ში.
