კატარის ემირმა თემიმ ბინ ჰამედ ალ სანიმ თურქ კოლეგას რეჯეფ თაიფ ერდოღანს ორ სართულიანი Boeing 747-8i დაათვალიერებინა, რომელიც ადრე კატარის მმართველის ოჯახის საკუთრებაში იყო.
სპეცბორტი უკვე სტამბოლის აეროპორტში დგას. VIP კლასის თვითმფრინავი ამიერიდან თურქეთის პრეზიდენტის განკარგულებაში იქნება, რომელიც უკვე ფლობს 11 თვითმფრინავს და 3 ვერტმფრენს.
ადრე გავრცელებული ინფორმაციის მიხედვით, კატარის მმართველის ოჯახი აღნიშნული ბორტის გასხვისებას გეგმავდა. საწყის ეტაპზე თვითმფრინავი 467 მგზავრზე იყო გათვლილი, თუმცა შემდგომ კატარის მმართველის ბრძანებით ის ნამდვილ სასახლედ აქციეს.
თვითმფრინავის ახალი ვერსია 76 VIP მგზავრზეა გათვლილი, რომელთა მომსახურებაზეც ეკიპაჟის 18 წევრი ზრუნავს.
Boing-ში 7 საძინებელი ოთახი, 2 საკონფერენციო დარბაზი და მინი საავადმყოფოა განთავსებული.
ექსპერტთა შეფასებით, იდენტური გაბარიტებისა და შესაძლებლობების ბორტის შეძენა დახლოებით 500 მლნ დოლარადაა შესაძლებელი.
თვითმფრინავი ახალგაზრდად ითვლება, რადგანაც ის 2012 წელსაა გამოშვებული, ხოლო კატარის მმართველის საკუთრებაში 2015 წელს გადავიდა. კატარის მმართველმა კი ბორტი #1-ით სულ 200 ფრენა განახორციელა, რაც საერთო ჯამში 400 საათიან ფრენას გულისხმობს.
