უმსხვილესმა ინდურმა დაბალბიუჯეტიანმა ავიაკომპანია IndiGo-მ თვითმფრინავის ბორტიდან მგზავრების სწრაფად ჩამოსვლის საშუალებას მიაგნო, რომელიც ავიაკომპანიას რამდენიმე წუთში თვითმფრინავის დაცლის საშუალებას აძლევს.
როგორც წესი, დაბალბიუჯეტიანი ავიაკომპანიები მგზავრების ჩასვლისთვის მარცხნივ მდებარე ორ კარს იყენებენ, რადგან სხვა გასასვლელები არის თვითმფრინავის მომსახურების ან სასწრაფო ევაკუაციისთვის.
Avianews-ის ცნობით, IndiGo გახდა პირველი დაბალბიუჯეტიანი ავიაკომპანია მსოფლიოში, რომელმაც მგზავრები სამი კარით გააცილა. დაბალფასიანი გადამზიდავი იყენებს მარცხენა მხარეს სტანდარტული ცხვირის და კუდის კარებს და ასევე, დამატებით იყენებს თვითმფრინავის მარცხენა მხარეს ცხვირთან მდებარე სერვისის კარს.
თვითმფრინავის საკვები ჩვეულებრივ იტვირთება თვითმფრინავში მარჯვენა ცხვირის სერვისის კარიდან. თუმცა, ვინაიდან IndiGo არის დაბალბიუჯეტიანი გადამზიდავი და არ კვებავს მგზავრებს უფასოდ, მას არ სჭირდება ბორტზე ბევრი საკვების ჩატვირთვა. ამან შესაძლებელი გახადა ამ გასასვლელის გამოყენება მგზავრების გადმოსასვლელად.
გარდა ამისა, 3 დონის პანდუსების გამოყენება, აეროპორტის სტანდარტული კიბეების გამოყენებასთან შედარებით, ავიაკომპანიას დაეხმარა ადგილზე დაეზოგა დრო. ამ კიბეების საშუალებით მგზავრებს შეუძლიათ შეუფერხებლად დაეშვან მიწაზე.
ევროპულმა დაბალბიუჯეტიანმა ავიაკომპანიებმა Ryanair-მა და Wizz Air-მა, ორკარიანი ჩამოშვების გამოყენებით, შეძლეს აეროპორტში თვითმფრინავები პარკირების რეკორდულად დაბალი დროისთვის მიეღწიათ, საუბარია 25-30 წუთზე.
სამკარიანი IndiGo-ს ტექნოლოგია საშუალებას აძლევს დაბალბიუჯეტიან ავიაკომპანიას მოიგოს რამდენიმე წუთი და კიდევ უფრო შეამციროს დრო ადგილზე პარკირებისთვის. ამის წყალობით, თვითმფრინავს შეუძლია განახორციელოს დამატებითი ფრენა, ან ავიაკომპანია იღებს სარეზერვო დროს ფრენის დაგვიანების შემთხვევაში.
IndiGo-მ დაიწყო ახალი ტექნოლოგიის გამოყენება მგზავრების გადმოსასვლელად 2022 წელს დელის, მუმბაის და ბენგალურუს აეროპორტებში. 2023 წელს ის კიდევ რამდენიმე აეროპორტზე გავრცელდა.
