საერთაშორისო საავიაციო ჰოლდინგმა IAG SA ფართო ფიუზელაჟის მქონე თვითმფრინავების მასშტაბური შეკვეთა გააკეთა, რითაც გააორმაგა თავისი ფოკუსირება შორ მანძილზე ფრენებზე. გადამზიდავმა, რომელიც თავისი ფლოტის ძველი მოდელების თანამედროვე მოდელებით ჩანაცვლებით გეგმავს, Boeing-სა და Airbus-ს 71 თვითმფრინავი შეუკვეთა.
IAG 32 ერთეულ Boeing 787-10-ს ყიდულობს British Airways-ისთვის, ხოლო 21 ერთეულს Airbus A330neo-ს თავისი გადამზიდავებისთვის: Irish Aer Lingus, Spanish Iberia და Fly LEVEL. გარდა ამისა, მარტის შეთანხმების თანახმად, ჰოლდინგი თავის ფლოტს კიდევ 10 ერთეულ Boeing 787-ს და 13 ერთეულ Airbus A330neo-ს დაამატებს.
IAG-ის 2025 წლის პირველი კვარტლის კორექტირებული საოპერაციო მოგება 198 მილიონ ევრომდე (222 მილიონი აშშ დოლარი) გაიზარდა, რაც 144.9 მილიონი ევროს პროგნოზს აღემატება, რაც საწვავის ფასების შემცირებისა და შემოსავლების ზრდის ხარჯზე მოხდა. ბილეთების გაყიდვებმა 7.04 მილიარდ ევროს მიაღწია, რაც ასევე 6.8 მილიარდი ევროს პროგნოზს აჭარბებს. კომპანიამ შეინარჩუნა თავისი პროგნოზი და განაცხადა, რომ „მის ძირითად ბაზრებზე საჰაერო მოგზაურობაზე კარგ მოთხოვნას კვლავ ხედავს“.
მიუხედავად იმისა, რომ ზოგიერთმა ავიაკომპანიამ აშშ-სა და ევროპას შორის ფრენების რაოდენობა ტრამპის ათობით ქვეყანაზე ტარიფების დაწესების შემდეგ შეამცირა, IAG-ის თქმით, ჩრდილო ატლანტიკის ოკეანის გავლით პრემიუმ კლასის რეისებზე მოთხოვნა მაღალია.
Air France-KLM და Deutsche Lufthansa AG აშშ-ის მიმართულებით რეისებზე ეკონომ კლასის ავიაბილეთებზე მოთხოვნის უმნიშვნელო შემცირებაზე აცხადებენ, ხოლო Virgin Atlantic Airways-იაშშ-დან მოთხოვნის შემცირებაზე უკვე ალაპარაკდა.
შეგახსენებთ, რომ Boeing ეძებს სხვა მომხმარებლებს იმ თვითმფრინავებისთვის, რომლებიც ჩინეთში უნდა მიეწოდებინათ, მაგრამ შეერთებულ შტატებთან სავაჭრო დაძაბულობის გამო „გაიჭედა“.
