საჰაერო ტრანსპორტის საერთაშორისო ასოციაცია (IATA) ვერ ხედავს მნიშვნელოვან წინაპირობებს ევროპული ავიაკომპანიების კონსოლიდაციის ტენდენციების გასაძლიერებლად მომავალ დაბალ სეზონში.
“ყველა ავიაკომპანიამ ვერ გადალახა კრიზისი. ზოგიერთი სუსტი ავიაკომპანია შეიძლება გაქრეს – გაკოტრების პროცედურების ან შერწყმისა და შეძენის გზით. მაგრამ ავიაკომპანიების უმეტესობამ ძალიან კარგად გაართვა თავი. ახლა მთავარი ფაქტორი იქნება რამდენი ფული გამოიმუშავეს ზაფხულის სეზონში. ასე რომ, გაკოტრების რისკი არსებობს, მაგრამ ეს არ არის ძალიან მაღალი“, – თქვა IATA-ს აღმასრულებელმა დირექტორმა უილი უოლშმა.
ევროპული ინდუსტრია შემცირებული ტრაფიკის მოცულობის სეზონში ახლა შედის, მაგრამ წელს ავიასაწვავის მაღალი ფასები დამატებითი გამოწვევაა. აქედან გამომდინარე, თითქმის არ არსებობს ავიაკომპანია, რომელიც მზად არის ინვესტიციები განხორციელოს გამსხვილებაში.
“ყველამ იცის რისკის დონე, რომელიც გველოდება კრიზისის შედეგების დასაძლევად. ძვირფასი კაპიტალის გამოყენება სხვა ავიაკომპანიის ხელში ჩაგდების მიზნით, მოითხოვს ძალიან ძლიერ დასაბუთებას”, – თქვა უოლშმა.
ასეთი საფუძველი შეიძლება იყოს მხოლოდ მყისიერი სინერგიული ეფექტი, მაგრამ, როგორც წესი, ანტიმონოპოლიური რეგულატორები ხელს უშლიან ასეთ ტრანზაქციას.
