ევროპის უმსხვილესმა დაბალბიუჯეტიანმა ავიაკომპანია Ryanair-მა Eni-ს შვილობილ Enilive-თან ხელი მოაწერა ხელშეკრულებას იტალიის რამდენიმე აეროპორტში SAF-ის მიწოდებაზე. ხელშეკრულება საწვავის 2025-2030 წლებში მიწოდებას გულისხმობს.
დაგეგმილია, რომ ამ წლების განმავლობაში 100 ათასი ტონა (33 მილიონი გალონი) საწვავი გაიყიდება, რაც მილანის მალპენსას აეროპორტიდან დუბლინის მიმართულებით 20 ათასი რეისის ეკვივალენტურია.
“SAF-ის წარმოების გაზრდა არის მთავარი გამოწვევა, რომელსაც ინდუსტრია წააწყდება უახლოეს წლებში. Eni-ის მსგავს ლიდერთან პარტნიორობა დაეხმარება Ryanair-ს მიაღწიოს თავის ამბიციურ მიზანს 2030 წლისთვის SAF-ის 12.5%-იან გამოყენებას და 2050 წლისთვის ნულოვანი ემისიებს. Eni არის მთავარი მიმწოდებელი ჩვენს უმსხვილეს ბაზარზე, იტალიაში, და მისი წარმატება SAF-ის წარმოებაში მნიშვნელოვან როლს შეასრულებს, რადგან კომპანია 2030 წლისთვის მგზავრთნაკადს 300 მლნ-მდე ზრდას გეგმავს“, – თქვა Ryanair-ის მდგრადობის მთავარმა ოფიცერმა თომას ფაულერმა.
„მოხარულები ვართ შეთანხმების დადებით ისეთ მნიშვნელოვან მოთამაშესთან, როგორიც არის Ryanair, მაშინ როცა ევროკავშირმა ReFuelEU წესები დაამტკიცა, რომელიც მიზნად ისახავს SAF-ის გამოყენების გაზრდას 2050 წლისთვის. Enilive გეგმავს 2030 წლისთვის გაზარდოს ქარხნების სიმძლავრე 5 მილიონზე მეტ ტონამდე წელიწადში და ასევე, ორიენტირებულია ახალი პროექტების შემუშავებაზე შესაძლებლობების გასაფართოებლად“, – თქვა Enilive-ის აღმასრულებელმა დირექტორმა სტეფანო ბალისტამ.
ამჟამად, დაბალი ნახშირბადის ემისიების მქონე საავიაციო საწვავი, მცენარეებზე დაფუძნებული SAF (მდგრადი საავიაციო საწვავი), გლობალური მოხმარების მხოლოდ მცირე წილს შეადგენს.
იტალიაში თავის ბიოგადამამუშავებელ ქარხნებში, Enilive იყენებს საკვებს, ძირითადად, ნარჩენებს, სამზარეულოს ზეთებს, ცხოველურ ცხიმებს და აგროსასურსათო მრეწველობის ნარჩენებს, რათა აწარმოოს Eni Biojet, რომელიც შესაფერისია ჩვეულებრივ თვითმფრინავის საწვავთან 50%-მდე მოცულობით შესარევად.
ევროკავშირის ახალი ReFuelEU საავიაციო წესების მიხედვით, ავიაკომპანიებმა 2025 წლიდან უნდა გამოიყენონ ბიოსაწვავის 2%, 2030 წელს 6%-მდე და 2050 წელს 70%-მდე.
