არაბეთის გაერთიანებული საამიროების პირველი აეროპორტი რეტრო მუზეუმად გადაკეთდა

ისტორიაში პირველი თვითმფრინავი, რომელიც არაბეთის გაერთიანებულ საამიროებში დაეშვა,38 ადგილიანი ბრიტანული წარმოების Handley Page HP42 იყო.

ავიაკომპანია Imperial Airways-ის საჰაერო ხომალდმა, რომელიც ინდოეთიდან ლონდონში მიფრინავდა, შუალედური დაშვება შარჯაში 1932 წლის 5 ოქტომბერს განახორციელა.რაც თავის მხრივ​ შარჯას მმართველსა და დიდ ბრიტანეთს შორის დადებული ხელშეკრულების თანახმად განხორციელდა. აეროპორტი ყოველი თვითმფრინავის დაშვებისთვის 5 რუპიას იღებდა. გარდა ამისა, აეროპორტმა მგზავრებს ღამისთევა შესთავაზა პატარა დასასვენებელ სახლში თვეში 800 რუპიად.

ახლა რეგიონის პირველი აეროპორტის შენობა, რომელიც იმ დროიდან თითქმის ხელუხლებელი დარჩა, გადაკეთდა მუზეუმად, რომელიც ეძღვნება არაბეთის გაერთიანებულ საამიროებში ავიაციის განვითარებას. აქ შეგიძლიათ იხილოთ პირველი Handley Page HP42, De Havilland DH 104 DOVE SRS 1G AJPR თვითმფრინავის მინიატიურული მოდელი, რომელიც აშენდა 1947 წელს და ეკუთვნის Gulf Aviation Company Limited-ს, ამერიკული Douglas DC, რომელსაც იყენებენ Eagle Air Services, Kuwait Air და Gulf Aviation Ltd. თქვენ შეგიძლიათ დაათვალიეროთ ისინი გარედან, არამედ ახვიდეთ ბორტზე და აღმოჩნდეთ წარსულში, ადგილობრივი ავიაციის გარიჟრაჟზე.

თვითმფრინავების გარდა, მუზეუმში ასევე განთავსებულია ძრავების, აღჭურვილობის, ფოტოებისა და დოკუმენტების შთამბეჭდავი კოლექცია, რომლებიც ასახავს არაბეთის გაერთიანებულ საამიროებში პირველი აეროპორტის ისტორიას.