დუბაის საერთაშორისო აეროპორტმა (DXB) მსოფლიოში საუკეთესო ათი ავიაკვანძის რეიტინგში პირველი ადგილი დაიკავა, როგორც ბიზნეს-მოგზაურებისთვის ყველაზე კომფორტულმა ავიაგავანმა. რეიტინგი Booking.com for Business-მა შეადგინა.
ექსპერტებმა შეაფასეს მსოფლიოს 50 ყველაზე დატვირთული აეროპორტი ორი ძირითადი კრიტერიუმის მიხედვით: ბიზნეს-კლასის მარშრუტების რაოდენობა და ადგილობრივ ბიზნეს-რაიონებთან სიახლოვე.
საუკეთესო ათეული ბიზნეს-მოგზაურთათვის
| ადგილი | აეროპორტი | ქულა (10-დან) | ბიზნეს-კლასის მარშრუტები | ცენტრალურ ბიზნესთან სიახლოვე |
| 1 | დუბაის საერთაშორისო აეროპორტი (DXB) | 9.55 | 271 მარშრუტი (88% ბიზნეს-კლასით) | 19 წუთის სავალზე |
| 2 | სინგაპურის ჩანგი (SIN) | 9.01 | 156 მიმართულება (67% ბიზნეს-კლასით) | მაღალი კომფორტი (Jewel Changi) |
| 3 | ფრანკფურტის აეროპორტი (FRA) | 8.62 | 283 მარშრუტი (142 ბიზნეს-კლასით) | 1.5 საათის სავალზე |
| 4 | ტოკიოს ჰანედა (HND) | 8.37 | 102 რეისი (95% ბიზნეს-კლასით) | თითქმის 40 წუთის სავალზე |
| 5 | სეულის ინჩხონი (ICN) | 8.28 | 165 მარშრუტი (131 ბიზნეს-კლასით) | 47 წუთის სავალზე |
| 6 | ჰამადის საერთაშორისო (DOH), ყატარი | 8.27 | 184 მარშრუტი (174 ბიზნეს-კლასით) | 22 წუთის სავალზე |
| 7 | შენჟენი ბაოანი (SZX), ჩინეთი | 8.18 | 162 მიმართულება (82% ბიზნეს-კლასით) | 40 წუთის სავალზე |
| 8 | ტორონტო პირსონი (YYZ), კანადა | 7.49 | 192 მარშრუტი | 13 სამვარსკვლავიანი სასტუმრო ახლოს |
| 9 | პარიზის შარლ-დე-გოლი (CDG) | 7.29 | 282 მარშრუტი (56% ბიზნეს-კლასით) | 13 სამვარსკვლავიანი სასტუმრო ახლოს |
| 10 | ამსტერდამის სხიპჰოლი (AMS) | 7.25 | 269 მარშრუტი (184 ბიზნეს-კლასით) | განვითარებული სარკინიგზო ქსელი |
დეტალები ლიდერების შესახებ:
- დუბაი (DXB): აეროპორტმა მიიღო 10-დან 9.55 ქულა. მას აქვს 35 მოსაცდელი დარბაზი და 9 სამვარსკვლავიანი სასტუმრო 1.6 კმ-ის რადიუსში.
- სინგაპური (SIN): 9.01 ქულით მეორე ადგილზეა. მას აქვს 36 მოსაცდელი დარბაზი და ცნობილია Jewel Changi კომპლექსით, სადაც არის ჩანჩქერი, პეპლების ბაღი და სხვა გასართობი სივრცეები.
- ფრანკფურტი (FRA): 8.62 ქულით მესამე ადგილს იკავებს და გერმანიის ყველაზე დატვირთული აეროპორტია.
ექსპერტები პროგნოზირებენ, რომ გლობალური ხარჯები მივლინებებზე მიმდინარე წლის ბოლოსთვის 1.2 ტრილიონ ფუნტ სტერლინგამდე გაიზრდება, ხოლო 2026 წელს ზრდის ტემპი 8.1%-მდე აჩქარდება.
