ჰონგ კონგის უმსხვილესმა ავიაგადამზიდავმა Cathay Pacific Airways-მა ხელი მოაწერა კონტრაქტს 32 ერთეული Airbus A320neo თვითმფრინავის მიღებაზე. გარიგების ბიუჯეტი 36,35 მილიარდი ჰონკონგის დოლარია (დაახლოებით 4,66 მილიარდი დოლარი). ამის შესახებ ჰონგ კონგის გაზეთი South China Morning Post იტყობინება.
მათი მიღება 2029 წლის ბოლომდე უნდა მოხდეს. თითოეული თვითმფრინავის საფასური დაყოფილი იქნება რვა ცალკე ტრანსფერად.
გამოცემის ცნობით, დღემდე Cathay Pacific Airways-მა დადო ხელშეკრულებები ამ სერიის სულ 64 თვითმფრინავის მიწოდებაზე, საიდანაც 13 ავიაკომპანიას უკვე გადაეცა. ისინი ძირითადად გამოყენებული იქნება ჩინეთსა და აზიის ქვეყნებში ფრენების განხორციელებისთვის.
ამჟამად Cathay Pacific Airways-ის ფლოტი, ისევე როგორც მისი დაბალბიუჯეტიანი ავიაკომპანია HK Express და სატვირთო ავიაკომპანია Air Hong Kong, 225 თვითმფრინავს აერთიანებს.
როგორც გაზეთი აღნიშნავს, აგვისტოში Cathay Pacific Airways-მა დიდი ხნის განმავლობაში პირველად დაიწყო შემოსავლის გამომუშავება: ბილეთებზე მოთხოვნის ზრდის შემდეგ, ავიაკომპანიის წმინდა მოგებამ 2023 წლის პირველ ნახევარში მიაღწია 4,26 მილიარდ ჰონკონგის დოლარს (დაახლოებით $546 მილიონი). პანდემიისა და საჰაერო მოგზაურობის ტრაფიკის ვარდნის გამო, კომპანიის ზარალმა ბოლო სამი წლის განმავლობაში შეადგინა 33,7 მილიარდი ჰონკონგის დოლარი (დაახლოებით 4,32 მილიარდი დოლარი).
