ახალი პროგნოზის მიხედვით, უახლოესი 20 წლის განმავლობაში მსოფლიოში თვითმფრინავების რაოდენობა, მინიმუმ, გაორმაგდება.
2038 წლისთვის ცაზე 48 ათასზე მეტი სამგზავრო და სატვირთო თვითმფრინავი იფრენს. სწორედ ასეთ პროგნოზსს კომპანია Airbus-ში აკეთებენ.
შედარებისათვის, დღეისათვის მსოფლიოში ფრენებს 23 ათასი თვითმფრინავი ახორციელებს. Airbus-ში აცხადებენ, რომ მოთხოვნის ზრდის ფონზე საჭირო გახდება დამატებით, 39 ათასი თვითმფრინავის მშენებლობა და ასევე 0.5 მლნ პილოტის მომზადება.
20 წლის შემდეგ, არსებული ავიაპარკიდან მოქმედი მხოლოდ 8,470 თვითმფრინავი დარჩება. მოთხოვნადი იქნება ძირითადად ეკონომიური მოდელები. მოსალოდნელია, რომ საჰაერო ტრაფიკი ყოველწლიურად 4.3%-ით გაიზრდება.
