საერთაშორისო საჰაერო ტრანსპორტის ასოციაციაში (IАТА) პროგნოზირებენ, რომ 2022 წელს, 2021 წელთან შედარებით, მსოფლიო ავიაკომპანიების დანაკარგები 4,5-ჯერ, 11,6 მილიარდ დოლარამდე შემცირდება.
იმავდროულად, IATA-მ 2021 წლის ინდუსტრიის დანაკარგების პროგნოზი გააუარესა (51.8 მილიარდი აშშ დოლარის, აპრილში გაკეთებული პროგნოზის 47.7 მილიარდი აშშ დოლარის წინააღმდეგ) და ასევე გადააფასა 2020 წლის ზარალის სავარაუდო მაჩვენებელი (137.7 მილიარდი დოლარის, აპრილში გაკეთებული პროგნოზის 126.4 მილიარდი აშშ დოლარის წინააღმდეგ).
მოსალოდნელია, რომ 2021 წელს მგზავრების საერთო რაოდენობა 2.3 მილიარდ ადამიანს მიაღწევს (აპრილში IATA-მ 2.4 მილიარდის პროგნოზი დადო), ხოლო 2022 წელს ეს მაჩვენებელი 3.4 მილიარდამდე გაიზრდება – ეს 2014 წლის დონეს შეესაბამება, თუმცა 2019 წლის შედეგზე (4.5 მილიარდი) გაცილებით დაბალია.
IATA ასევე ელოდება საჰაერო ტვირთზე მოთხოვნის ზრდას.
“ჩვენ უკვე გადავლახეთ კრიზისის ყველაზე ღრმა წერტილი. მიუხედავად იმისა, რომ სერიოზული პრობლემები რჩება, გამოჯანმრთელების გზა უფრო ნათელი ხდება”, – თქვა IATA- ს აღმასრულებელმა დირექტორმა ვილი უოლშმა.
