მმართველმა კომპანია ZONT Hotel Group-მა ხელი მოაწერა შეთანხმებას საქართველოში მდებარე ბუტიკ-სასტუმროს, „Esquisse Boutique Hotel and Wine Cellar“-ის მართვაზე.
57-ნომრიანი სასტუმრო თელავის ცენტრში, თბილისიდან საათნახევრის სავალზე მდებარეობს. ნომრების ფანჯრებიდან იშლება ხედები კახეთის ველზე, კავკასიონის მთებზე, შიდა ეზოსა და აუზზე.
სასტუმროში ფუნქციონირებს სპა-ცენტრი, სადაც სტუმრებს სთავაზობენ პროცედურებს ყურძნის საფუძველზე დამზადებული ინგრედიენტების გამოყენებით. ესენია:
ღვინის აბაზანები;
დასასვენებელი მასაჟი საფერავის ზეთით;
ღვინის სკრაბინგი და სახის ექსპრეს-მოვლა.
სტუმრებს ასევე შეუძლიათ დროის გატარება თერმული პროცედურების ზონაში – ჰამამში ან საუნაში, ან გაცურონ დახურულ ან ღია აუზში.
სასტუმროს მთავარ რესტორანში – Esquisse Telavi – სტუმრებს საუზმეზე სთავაზობენ ქართული და საერთაშორისო სამზარეულოს კერძებს. შუადღიდან რესტორანი მუშაობს a la carte ფორმატით.
გაზაფხულისთვის ცალკე მდგომ შენობაში გაიხსნება რესტორანი „მარანი“ თანამედროვე ქართული სამზარეულოს კერძებით.
სასტუმროში იმართება ღვინის დეგუსტაციები ქართულ, რუსულ და ინგლისურ ენებზე სერტიფიცირებული სომელიეების მონაწილეობით. მსურველებს შეუძლიათ მონაწილეობა მიიღონ მასტერკლასებში: ჭაჭის გამოხდა, ხინკლის მოხვევა, პურის ცხობა ტრადიციულ თონეში და ჩურჩხელის დამზადება.
„Esquisse Boutique Hotel and Wine Cellar“-ის ტერიტორიაზე ასევე გათვალისწინებულია ბიბლიოთეკაქართველი და რუსი ავტორების ნამუშევრების მდიდარი კოლექციით, საკონფერენციო დარბაზი, ამფითეატრი, ბაღი და დასასვენებელი ზონები, რომლებიც 120-მდე ადამიანს იტევს. ღვინის დეგუსტაციის ზონის გვერდით განთავსებულია სათათბირო ოთახებიც.
