უნგრული დაბალბიუჯეტიანი ავიაკომპანია Wizz Air-ი ზაფხულისთვის ემზადება და მომხმარებლებსაც იგივეს ურჩევს. ავიაკომპანია საქართველოს მიმართულებით გეგმებს სავარაუდოდ 18 მარტს დაანონსებს.
როგორც Wizz Air-ის კორპორატიული კომუნიკაციების ხელმძღვანელი ანდრაშ რადო აცხადებს, მგზავრებს სასურველი მიმართულებით ფრენა მაშინ შეეძლებათ, როცა ავიაკომპანიას ამის საშუალებას რეგულაციები მისცემს. ამასთან, მომხმარებლებს ბილეთის შეძენა WIZZ flex-ით შეუძლიათ, რაც თარიღის შეცვლის, ან რეისის გაუქმების შემთხვევაში თანხის დაბრუნების საშუალებას იძლევა.
ავიაკომპანიის ცნობითვე, Wizz Air-ი ფინანსურ სტაბილურობას ინარჩუნებს, ფრენა კი გადაადგილების ყველაზე უსაფრთხო საშუალებად რჩება. ავიარეისების აღდგენასთან დაკავშირებით დეტალები, სავარაუდოდ, უახლოეს მომავალში გაცხადდება.
