ევროპული დაბალბიუჯეტიანი ავიაკომპანია Wizz Air-ი ბოსნია და ჰერცეგოვინას ტოვებს. კომპანიამ განაცხადა, რომ აპირებს ტუზლაში თავისი ბაზის დახურვას. უკვე მიმდინარე წლის სექტემბერში Wizz Air-ის ორი თვითმფრინავი ბაზირების ადგილს შეიცვლის.
ეს ნიშნავს, რომ რამდენიმე იაფი ფრენა ევროპაში გაქრება. ავიაკომპანიის გეგმების შესახებ ინფორმაცია Sarajevo Times-მა გაავრცელა.
სხვა ავიაკომპანიები სთავაზობენ ნაკლებ ფრენებს ევროპის ქალაქებში და უფრო მაღალ ფასებს, რადგან ისინი დაბალფასიანი არ არიან. Wizz Air იყო ერთ-ერთი ყველაზე მნიშვნელოვანი ავიაკომპანია ადგილობრივებისთვის, რომლებიც ირჩევენ თვითმფრინავით იაფად მგზავრობას.
კომპანიაში აცხადებენ, რომ ეს გადაწყვეტილება ეკონომიკური მდგომარეობის ცვლილებისა და რეგიონში ამინდის პირობებით გამოწვეული ნიუანსების გამო მიიღო.
ირკვევა, რომ Wizz Air გააგრძელებს ფრენებს ტუზლადან ბაზელის, მულჰაუსის, დორტმუნდის, ფრანკფურტ-ჰანისა და მემინგენის მიმართულებით. ამრიგად, საჰაერო მიმოსვლა ევროპის ბევრ ქვეყანასთან არ დაიკარგება.
კომპანიამ გააუქმა ფრენები რამდენიმე საკვანძო მიმართულებამდე, როგორიცაა ვენა და ბერლინი, ასევე ბილუნდი, კიოლნი, ეინდჰოვენი, ფრიდრიხშაფენი, გოტებურგი, ბადენ-ბადენი, მალმო, ნიურნბერგი და სტოკჰოლმ სკავსტა.
