ავიაკომპანია Vietnam Airlines დამოუკიდებელი სატვირთო ავიაკომპანიის შექმნას გეგმავს, რომლიც ოპერირებას 2026 წლისთვის დაიწყებს. აღნიშნული ინიციატივა საჯაროდ გამოცხადდა კომპანიის აღმასრულებელი დირექტორის ლე ჰონგ ჰას მიერ.
ახალი სატვირთო ავიაკომპანია დაფუძნებული იქნება Airbus A321 სამგზავრო თვითმფრინავებზე, რომლებიც ეტაპობრივად გარდაიქმნება სატვირთო მოდელებად (P2F – passenger-to-freighter კონვერსია). ამავდროულად, Vietnam Airlines გეგმავს ფართო კორპუსიანი სატვირთო თვითმფრინავების იჯარით აღებას, რათა უზრუნველყოს მაღალი ტვირთბრუნვა გრძელ დისტანციებზე.
2025 წლის მეორე კვარტალში, Vietnam Airlines-ის შემოსავლის 65% სწორედ სატვირთო გადაზიდვებიდან მოდიოდა. გადასახადამდე მიღებული მოგება 40.8 მილიონ აშშ დოლარს შეადგენდა, ხოლო წლის პირველ ნახევარში მოსალოდნელია, რომ ეს მაჩვენებელი 153 მილიონ აშშ დოლარს მიაღწევს.
ახალი ავიაკომპანია ექნება საკუთარი სტრუქტურა, ფლოტი და ინფრასტრუქტურა. მისი ოპერაციული ბაზები განთავსდება ვიეტნამში არსებულ სტრატეგიულ ლოჯისტიკურ ჰაბებში – ლონგ თანის აეროპორტში (DLI/VVDL), რომელიც ჰოშიმინის აღმოსავლეთით მდებარეობს, და ჯიაბინის საერთაშორისო აეროპორტში (QBN). ეს შესაძლებლობა Vietnam Airlines-ს კონკურენციას გაუწევს რეგიონულ სატვირთო ცენტრებს ბანგკოკში, კუალა-ლუმპურსა და სინგაპურში.
ელექტრონული კომერციის ზრდისა და გლობალურ ლოჯისტიკაში ცვლილებების ფონზე, Vietnam Airlines ფსონს აკეთებს მოქნილ ბიზნეს-მოდელზე, რომელიც აერთიანებს:
-
P2F კონვერსიებსა და თვითმფრინავების იჯარას,
-
ტვირთის გადაზიდვის ციფრულ გადაწყვეტილებებს,
-
რეგიონული და გლობალური ქსელის გაფართოებას.
თუ ყველაფერი გეგმის შესაბამისად წარიმართა, 2026 წლისთვის ვიეტნამს ეყოლება ახალი მნიშვნელოვანი მოთამაშე საჰაერო ტვირთის ბაზარზე.
