United Airlines-ის თვითმფრინავი, რომელიც ლოს-ანჯელესიდან შანხაიში მიფრინავდა, სან-ფრანცისკოში მას შემდეგ დაეშვა, რაც ერთ-ერთმა პილოტმა აღმოაჩინა, რომ პასპორტი დაავიწყდა.
მას შემდეგ, რაც თვითმფრინავი სან-ფრანცისკოს საერთაშორისო აეროპორტში დაეშვა, United Airlines-მა მგზავრებს გადასცა კვების ვაუჩერები და ზარალის კომპენსაცია. ავიაკომპანიამ მგზავრების დანიშნულების ადგილზე ჩასაყვანად კი ბორტზე ახალი ეკიპაჟი დანიშნა და ფრენა შანხაიში იმ საღამოსვე განხორციელდა.
ზოგიერთმა მგზავრმა უკმაყოფილება გამოხატა, ინციდენტს უწოდა “სრულიად მიუღებელი” და მოითხოვა დამატებითი კომპენსაცია United Airlines-ისგან ექვს საათზე მეტი დაგვიანებისთვის.
