უკრაინულმა ავიაკომპანია SkyUp Airlines-მა საჰაერო სამგზავრო გადაყვანებში რუსეთ-უკრაინის ომამდელ დონეს მიაღწია. ავიაკომპანია 2024 წელს 16,927 რეისზე 2,5 მილიონ მგზავრს მოემსახურა.
ფრენის საშუალო დატვირთვამ თითო რეისზე 148 მგზავრი შეადგინა. SkyUp Airlines-ი დღეისათვის ოპერირებს Boeing 737-700 და 737-800 თვითმფრინავებს, რომლებსაც შეუძლიათ 149 და 189 მგზავრის გადაყვანა.
2021 წელს ავიაკომპანიის მომსახურებით 2,57 მილიონმა მოგზაურმა ისარგებლა.
როგორც SkyUp-ის პრესსამსახურში avianews.com-ს განუმარტეს, 2024 წლის შედეგი მოიცავს ორი ავიაკომპანიის მუშაობას: უკრაინული SkyUp Airlines და მალტური SkyUp MT. ორივე გადამზიდავი მუშაობს როგორც ცალკეული ავიაკომპანია, მაგრამ ერთი ბრენდის ქვეშ.
უკრაინაში რუსეთის ფართომასშტაბიანი შეჭრის დაწყებიდან 3 წლის განმავლობაში SkyUp-მასაგრძნობლად შეცვალა თავისი მოქმედების კონცეფცია. თუ 2021 წელს ავიაკომპანია მგზავრებს უკრაინიდან ჩარტერული და რეგულარული რეისებით ემსახურებოდა, 2022 წლიდან მან დაიწყო თავისი თვითმფრინავების სველი იჯარით გაცემა – ეკიპაჟებთან ერთად დაქირავება სხვა ავიაკომპანიებზე, რომლებიც ფლოტის დეფიციტს განიცდიან.
ამრიგად, SkyUp Airlines ახლა ძირითადად ატარებს სხვა ავიაკომპანიების მგზავრებს, რომლებიც ახორციელებენ ფრენებს მათი სახელით. ამისთვის ავიაკომპანია იღებს ფიქსირებულ გადასახადს, ხოლო ფრენების ჩატვირთვაზე პასუხისმგებელი არიან კლიენტები.
2025 წლის გაზაფხულზე SkyUp გეგმავს დაბრუნდეს დაგეგმილ სატრანსპორტო ბაზარზე და განახორციელოს საკუთარი ფრენები. ავიაკომპანიამ უკვე გახსნა ავიაბილეთების გაყიდვა რეგულარული ფრენებისთვის კიშინიოვიდან ალიკანტეს, ბარსელონას, ჰერაკლიონის, ლარნაკასადა ლისაბონის მიმართულებით.
