თურქულმა ავიაკომპანია Turkish Airlines-მა იანვრიდან აგვისტომდე პერიოდში სულ 60.7 მილიონი მგზავრი გადაიყვანა, რაც წინა წლის ანალოგიურ პერიოდთან შედარებით 5.8%-იანი ზრდაა. ამის შესახებ ინფორმაცია კომპანიამ საჯარო ინფორმაციის გამჟღავნების პლატფორმაზე (KAP) გამოაქვეყნა.
მგზავრთა გადაყვანის საერთო კოეფიციენტმა 82.7% შეადგინა. განსაკუთრებით გაიზარდა ტრანსფერი მგზავრების რაოდენობა, რომელიც 10.3%-ით გაიზარდა და 23.1 მილიონს მიაღწია.
მხოლოდ აგვისტოს თვეში ავიაკომპანიამ 9.4 მილიონი მგზავრი გადაიყვანა, რაც 2024 წლის აგვისტოსთან შედარებით 11.9%-ით მეტია. აგვისტოში ტრანსფერი მგზავრების რაოდენობამ 17.3%-ით მოიმატა და 3.4 მილიონს მიაღწია.
გაიზარდა გადაზიდული ტვირთებისა და ფოსტის მოცულობაც. რვა თვის განმავლობაში ეს მაჩვენებელი 5.4%-ით გაიზარდა და 1.4 მილიონი ტონა შეადგინა.
ამჟამად, Turkish Airlines-ის ფლოტი 501 თვითმფრინავს ითვლის.
