ავიაკომპანია Turkish Airlines-მა აეროპორტ “სტამბოლში“ მგზავრებისთვის უფასო და ულიმიტო WiFi სერვისი აამოქმედა. ამის შესახებ კომპანიის გენერალურმა დირექტორმა ბილალ ეკშიმ განაცხადა.
სტამბულის აეროპორტი ევროპის ერთ-ერთი ყველაზე დატვირთული აეროპორტია. 2023 წელს თურქეთის მთავარმა აეროპორტმა ლონდონის ჰითროუს შემდეგ მეორე ადგილი დაიკავა,ის წელიწადში 76 მილიონზე მეტ მგზავრს იღებს. 4 ნოემბრიდან 10 ნოემბრის ჩათვლით, Eurocontrol-ის (საჰაერო ნავიგაციის უსაფრთხოების ორგანიზაციის) მონაცემებით, აეროპორტი დღეში საშუალოდ 1359 რეისს ემსახურება, რაც ევროპის სხვა ჰაბების მაჩვენებლებს აჭარბებს.
მიუხედავად მგზავრთა ტრაფიკის შთამბეჭდავი რაოდენობისა და „მსოფლიოში საუკეთესო აეროპორტის“ სტატუსისა, მგზავრებისთვის Wi-Fi დიდი ხნის განმავლობაში რჩებოდა ჰაბის მთავარ გამოწვევად. Wi-Fi უფასოა და შეუზღუდავი, მაგრამ მხოლოდ ერთი საათის განმავლობაში. სერვისის გაუმჯობესებასთან ერთად, თურქეთის დროშის მქონე ავიაკომპანიამ Turkish Airlines-მა თავისი მგზავრებისთვის აეროპორტში უფასო და ულიმიტო WiFi დანერგა.
TK WiFi სერვისით სარგებლობა მხოლოდ Turkish Airlines-ის მგზავრებს შეუძლიათ მათი ფრენის ინფორმაციის შეყვანის შემდეგ.
