რაც უფრო გამხდარია მგზავრები, მით ნაკლებ საავიაციო საწვავს მოიხმარს თვითმფრინავი. თუ მგზავრი წონაში 4.5 კგ-ს დაიკლებს, მაშინ United Airlines-ის მაგალითზე ავიაკომპანია წელიწადში 80 მილიონ დოლარს დაზოგავს.
ბოლო პერიოდში ავიაკომპანიები და თვითმფრინავების მწარმოებლები შეპყრობილნი არიან თვითმფრინავის საწვავის მოხმარების შემცირებით და ამიტომ მუდმივად ეძებენ ახალ გზებს თვითმფრინავის წონის შესამცირებლად.
მათ შეიძლება ჰყავდეთ ახალი მოკავშირეები Ozempic-ის და სხვა მსგავსი წონის დაკარგვის პრეპარატების მწარმოებლების სახით. Ozempic არის რეცეპტით გასაცემი წამალი, რომელიც ინიშნება მხოლოდ მეორე ტიპის დიაბეტის მქონე ადამიანებისთვის. კიდევ არის სემაგლუტიდის შემცველი პრეპარატები, რომელიც განკუთვნილია სიმსუქნის წინააღმდეგ საბრძოლველად.
United Airlines Holdings დაზოგავს 80 მილიონ დოლარს წელიწადში, თუ მგზავრის საშუალო წონა 10 ფუნტით (4,536 კგ) შემცირდება, – დაიანგარიშა Jefferies-ის ფინანსურმა ანალიტიკოსმა შეილა კაჰიაოღლუმ.
მისი ნამუშევარი იყო Jefferies-ის უფრო ფართო ანალიზის ნაწილი წამლისადმი საზოგადოების ენთუზიაზმისა და მისი პოტენციური სარგებლობის შესახებ. ასეთი წამლების გლობალური ბაზარი შეიძლება 100 მილიარდ დოლარზე მეტი იყოს, ხოლო გაყიდვები სწრაფად გაიზრდება ათწლეულის ბოლოს. Ozempic წარმოებულია Novo Nordisk A/S-ის მიერ. წონა ავიაკომპანიებისთვის მთავარი პრობლემაა, რადგან რაც უფრო მეტს იწონის თვითმფრინავი, მით მეტ საწვავს წვავს.
საწვავი და სამუშაო ძალა არის გადამზიდავების ორი ყველაზე დიდი ხარჯი. საერთო ხარჯში საწვავის ხარჯი დაახლოებით 25%-ს შეადგენს. წლების განმავლობაში, ავიაკომპანიები იყენებდნენ სხვადასხვა მეთოდებს ფრენებზე წონის შესამცირებლად, როგორიცაა ჟურნალების ამოღება და მსუბუქი წონის კერძები, დანა-ჩანგალი და სხვა.
ანალიტიკოსის შეფასებით, თუ მგზავრმა დაკარგა 10 ფუნტი, ეს შეამცირებს თითოეული ფრენის ღირებულებას 1790 ფუნტით, რაც წარმოადგენს წელიწადში 27,6 მილიონი გალონის დაზოგვის წინაპირობას.
დაავადებათა კონტროლისა და პრევენციის ცენტრი აცხადებს, რომ ყოველი მესამე ზრდასრულს და ყოველ მეხუთე ბავშვს აწუხებს სიმსუქნე ან აქვს ზრდასრულთა სხეულის მასის ინდექსი 30 ან მეტი. და მსოფლიოს მოსახლეობის ჭარბი წონის წილი, სავარაუდოდ, წელს მიაღწევს 41,5%-ს, მაშინ როდესაც ეს მაჩვენებელი 2013 წელს 36,4%-ს შეადგენდა.
