გერმანულმა ავიაკომპანია Lufthansa-მ თავისი ახალი შვილობილი კომპანიის Lufthansa City-ის პირველი მარშრუტები დაასახელა, რომლებიც ამ დროისთვის კონცენტრირებული იქნება მიუნხენის აეროპორტიდან.
2024 წლის ზაფხულის განრიგში, Lufthansa City მიუნხენიდან ფრენებს შეასრულებს ბერლინში, ჰამბურგში, ბრემენში, დიუსელდორფში, კიოლნში, ჰანოვერში, ბირმინგემში, ბორდოსა და მანჩესტერში. უახლოეს თვეებში ავიაკომპანია გააფართოებს ქსელს ევროპის სხვა ქალაქებში, ხაზს უსვამს Lufthansa.
Lufthansa City თავდაპირველად ორ საშუალო მანძილის Airbus A319 თვითმფრინავით მოახდენს ოპერირებას. ისინი უკვე შეღებილია ავიაკომპანიის ფერებში და შეუძლიათ 138 მგზავრის გადაყვანა.
სამომავლოდ, ახალი ავიაკომპანიის ფლოტი დაიწყებს რეგიონული Airbus A320-300 თვითმფრინავების მიღებას, რომლებიც იტევს 145 მგზავრს.
მიუხედავად იმისა, რომ Lufthansa City შექმნილია, როგორც ცალკე გადამზიდავი ცალკე ფლოტითა და პერსონალით, იგი ძირითადად გადაიყვანს მგზავრებს მშობელი ავიაკომპანიის დონის სერვისით.
ავიაბილეთების გაყიდვა განხორციელდება Lufthansa Group-ის არხებით. გერმანულ ავიაკომპანიას უკვე ჰყავს ერთი შვილობილი კომპანია, რომელიც მუშაობს ამ მოდელის მიხედვით – Lufthansa CityLine.
ახალი შვილობილი კომპანიის დახმარებით Lufthansa-ს შეუძლია დაზოგოს პერსონალის ხარჯები პილოტებთან და ბორტგამცილებლებთან ახალი პირობებით კონტრაქტების გაფორმებით. ახლა Lufthansa-ს რეგულარულად აქვს პრობლემები პროფკავშირებთან, რომელთა გაფიცვები ზოგჯერ თითქმის მთლიანად ბლოკავს ავიაკომპანიის მუშაობას. პროფკავშირები ხელფასების გაზრდას და სამუშაო პირობების გაუმჯობესებას ითხოვენ.
