თურქულმა კომპანია Plast Grup-მა ორიგინალური სადეზინფექციო მოწყობილობა შექმნა, რომელიც საზოგადოებრივი თავშეყრის ადგილებში განთავსდება. მოწყობილობას სფეროსებრი ფორმა გააჩნია. ანალოგიური პროდუქტი კომპანიას ადრეც ჰქონდა, თუმცა COVID-19-ის პანდემიის ფონზე უფრო დახვეწა.
შხაპ-კაბინას 500 ადამიანის სრული დეზინფექციისთვის 100 ლიტრი სადენზიფექციო საშუალება სჭირდება.
მოწყობილობას Ikarus-ი ქვია და ის ანტიბაქტერიული და ანტიკოროზიული კომპოზიციური მასალისაგანაა შექმნილი. Ikarus-ს 360 გრადუსით როტაციაც შეუძლია. Ikarus-ს შეუძლია ასევე სწრაფად განსაზღვროს ადამიანის სხეულის ტემპერატურა, რომელიც შიგნით იმყოფება.
Ikarus-ს ღირებულება 10 000 ევროა და მისი შეძენით საფრანგეთი და დიდი ბრიტანეთი უკვე დაინტერესდა, თუმცა Plast Grup-ის პრიორიტეტი ჯერ შიდა ბაზრის დაკმაყოფილებაა. Ikarus-ს გამოყენება და შესაბამისად ადამიანების დეზინფექციის ჩატარება შესაძლებელია აეროპორტებში, სასტუმროებში, სავაჭრო ცენტრებში, საავადმყოფოებში თუ სხვა დაწესებულებაში სადაც ამის საჭიროება არსებობს.
