თურქეთის პარლამენტმა მიიღო ცვლილებები სამოქალაქო ავიაციის კანონში, რომელიც მათ შორის აეროპორტებში მგზავრების სკრინინგის პროცედურების გამკაცრებას ითვალისწინებს.
როგორც აღინიშნა, წესები შეესაბამება საერთაშორისო სამოქალაქო ავიაციის კონვენციის წესებს (ჩიკაგოს კონვენცია), რომლის მიხედვითაც უსაფრთხოების ოფიცრებს შეუძლიათ შეამოწმონ მგზავრების ნივთები ტერმინალის შესასვლელთან და ჩასხდომის დარბაზის შესასვლელთან. ეს ეხება როგორც პირად ბარგს, ასევე ელექტრონულ მოწყობილობებს. ინსპექტირებისთვის ნივთების მიწოდებაზე უარის თქმის შემთხვევაში მგზავრს აეროპორტში ან გამგზავრების ზონაში არ შეუშვებენ. აკრძალულ ნივთებს ადგილზე ჩამოართმევენ.
თურქეთის მთავარ აეროპორტებში ორი უსაფრთხოების საგუშაგოა: საზოგადოებრივი ზონის შესასვლელთან და ე.წ. სუფთა ზონაში შემოწმების შემდეგ. პუნქტები აღჭურვილია თანამედროვე ტექნიკით და საჭიროების შემთხვევაში ტარდება ფიზიკური ჩხრეკა.
ცვლილებები ასევე აწესებს ჯარიმებს $620-დან $15,600-მდე იმ შემთხვევაში, თუ თვითმფრინავის ეკიპაჟმა ფრენის დროს ხელისუფლებას ბორტზე კანონის ნებისმიერი დარღვევის შესახებ არ შეატყობინა. კვადკოპტერის ნებართვის გარეშე ან სამოქალაქო ავიაციის დეპარტამენტის მიერ დაშვებული ზონების გარეთ გაშვებისთვის, ოპერატორს 1,8 ათასი დოლარის ჯარიმა ემუქრება.
