ავიაკომპანია Air India-მ განაცხადა, რომ 2026 წლის თებერვლიდან განაახლებს ფრენებს ნიუ დელიდან ჩინეთის მიმართულებით, რაც თითქმის ექვსწლიანი შეჩერების შემდეგ პირველი რეისი იქნება. ფრენების განახლება ორმხრივი დიპლომატიური ურთიერთობების ფრთხილი აღდგენის ფონზე ხდება.
ავიაკომპანია გეგმავს, რომ მომავალი წლის ბოლოსთვის, მარეგულირებელი ორგანოების ნებართვის შემთხვევაში, ასევე დაიწყოს ფრენები მუმბაი–შანხაის მარშრუტზე.
Air India-ს განცხადებაში ნათქვამია, რომ შანხაის მიმართულებით მომსახურების აღდგენა მოჰყვა ინდოეთ-ჩინეთის ბოლო დიპლომატიურ შეთანხმებებს, რომლებმაც 2020 წლის დასაწყისში შეჩერებული საჰაერო კავშირები აღადგინა.
დიპლომატიური ნაბიჯები: ინდოეთის პრემიერ-მინისტრი ნარენდრა მოდი მიმდინარე წლის დასაწყისში, შვიდი წლის განმავლობაში პირველად, ჩინეთს ეწვია შანხაის თანამშრომლობის ორგანიზაციის (Shanghai Cooperation Organisation) შეხვედრაზე დასასწრებად. ამ ვიზიტისას, მოდი და ჩინეთის პრეზიდენტი სი ძინპინი შეთანხმდნენ, რომ ინდოეთი და ჩინეთი არიან განვითარების პარტნიორები და არა მეტოქეები, და განიხილეს სავაჭრო კავშირების გაძლიერების გზები.
სხვა ავიაკომპანიები: გასულ თვეში, დაბალბიუჯეტიანმა ავიაკომპანია “IndiGo”-მ უკვე განაახლა ფრენები კოლკატადან გუანჯოუს მიმართულებით.
“Air India”-ს ფრენების განახლება ნიშნავს მნიშვნელოვან ნაბიჯს ინდოეთსა და ჩინეთს შორის საჰაერო მიმოსვლისა და ზოგადად, ორმხრივი კავშირების აღდგენისკენ.
