Tele2-მა სწრაფი კვების მიწოდების წამყვან შვედურ კომპანია Foodora-თან თანამშრომლობით სტოკჰოლმის გარეუბანში, ვერმდოსა და გუსტავსბერგში დრონების გამოყენებით საკვების მიწოდება დაიწყო.
უპილოტო საფრენი საშუალებით ძირითადი მიწოდების არეალი დაახლოებით 10 კმ დიამეტრია, ხოლო ფრენის ხანგრძლივობა დაახლოებით 10 წუთი. ამ სერვისით მიწოდების საერთო დრო 30 წუთს არ აღემატება.
რამდენიმეთვიანი ოპერირების შემდეგ კომპანიები გეგმავენ მიწოდების ზონების კიდევ უფრო გაფართოებას.
დრონები ნორვეგიულმა კომპანია Aviant-მა შეიმუშავა და შექმნილია მცირე და საშუალო ზომის ტვირთების გადასატანად. უახლოეს მომავალში ეს დრონები გამოყენებული იქნება არა მხოლოდ საკვების, არამედ სასურსათო ნივთების მიწოდებისთვისაც.
სერვისით სარგებლობისთვის მომხმარებლებმა უნდა შეავსონ განაცხადის ფორმა, რომელიც საშუალებას მისცემს მათ შეამოწმონ, არის თუ არა მიწოდების მისამართი დაშვებული დრონითმიწოდებისთვის კონკრეტულ ტერიტორიაზე.
ეს თანამშრომლობა, რომელიც იყენებს ელექტრო დრონებს, არის მნიშვნელოვანი ნაბიჯი არა მხოლოდ საქონლის უფრო სწრაფი და ეფექტური მიწოდებისთვის, არამედ ეკოლოგიურად სუფთა გადაწყვეტა, რადგან ის ამცირებს გარემოზე ზემოქმედებას.
დრონით საკვების მიწოდების სერვისი ხელმისაწვდომია მობილური 5G ქსელის დახმარებით
აღსანიშნავია ისიც, რომ დრონს 900 გრამამდე პროდუქციის გადაზიდვა შეუძლია.
